web counter
LEXO PA REKLAMA!

SHKARKO APP

App Store
Google Play

E fundit!

x

Akuzat PD-PS për 5 miliardë lekët e sekuestruara/ Ja qëndrimi i LSI -së

28 Qershor 2018, 17:10, Aktualitet CNA

Prej disa ditësh çështja më e nxehtë nga e cila po burojnë akuza e kundër akuza nga maxhoranca e opozita është ajo e kapjes së 3.4 milionë eurove apo 5 miliardë lekëve në një makinë “Toyota Yaris” në Durrës. Partia Demokratike ka hedhur akuza ndaj kreut të grupit socialist Taulant Balla, si garant për paratë, e nga ana tjetër ky i fundit ka kallëzuar Lulzim Bashën për shpifje.

CNA.al, zhvilloi një intervistë me deputetin e Lëvizjes Socialiste për Integrim, Nasip Naço, i cili ndër të tjera u pyet edhe për rastin në fjalë.

Naço është shprehur se është çështje mes dy palëve, dhe pret nga institucionet përgjegjëse të bëjnë punën e tyre.

CNA.al: Miliona euro të kapura në portin e Durrësit, vunë në shënjestër deputetin socialist Taulant Balla, si garant të sasisë sekuestruar, nga ana e PD dhe konkretisht Basha. Keni dijeni për këtë fakt si pjesë e opozitës dhe cili është qëndrimi juaj?

Nasip Naço: Është një debat që është bërë dhe në Kuvend midis të dyve. Nuk kam informacion e duhur dhe për aq kohë sa nuk kam informacione plus nga ai i medieve nuk mund të bëj komente mbi komente, apo të nënvlerësoj apo mbivlerësoj institucionet e specializuara të shtetit që në çdo rast do të bëjnë punën e tyre të pandikuar nga fjalët e njërit, apo pretendimet e tjetrit.

Kujtojmë se sot Taulant Balla publikoi në seancën plenare, një foto ku kryedemokrati Lulzim Basha shfaqej përkrah vëllait të njërit prej të kërkuarve për 3.4 milionë eurot e sekuestruara. /CNA.al





Lajmet e fundit nga