web counter
LEXO PA REKLAMA!

SHKARKO APP

App Store
Google Play

E fundit!

x

“Dosje për krim të organizuar dhe drogë”/ Zbulohet vendndodhja e ministrit të skandaleve

2 Qershor 2018, 12:19, Aktualitet CNA

Qeveria Rama vijon të ndiqet nga skandalet. Pas ministrit të Brendshëm Fatmir Xhafaj, është një tjetër ministër që lakohet për korrupsione.

Damian Gjiknuri, Ministër i Infrastrukturës dhe Energjitikës, prej disa ditë po cilësohet nga Partia Demokratike si ministri me dosje.

Nënkryetari i PD ?së, Edi Paloka, pak ditë më parë, lëshoi bombën, duke thënë se edhe ministrit Gjiknuri po i  perëndon koha.

?Damian Gjiknuri, ke dhe ti dosjet e tua prej muajsh për lidhjet e tua me drogën dhe krimin e organizuar. Gjithçka është e dokumentuar.  Ta dish se nuk të shpëtojnë dot për shumë gjatë Rama-Marku-Xhafa-Prela. Merr masa mos të vjedhin edhe shtëpinë e tezes ose ndokujt tjetër?, ka paralajmëruar pak ditë më parë Paloka.

Deri më tani Gjiknuri ka heshtur përballë këtyre akuzave. Ai ka vijuar turin e llogaridhënies, sikur të mos ketë ndodhur asgjë.

Sot, Gjiknuri është parë në krah të kryetarit të Bashkisë së Tiranës, Erion Veliaj, në vijim të turit të dëgjesave publike që në njësitë administrative të kryeqytetit.

Ministri i Infrastrukturës dhe Energjisë, Damian Gjiknuri, deklaroi se Kombinati do të njohë një sërë investimesh të rëndësishme, si përfundimi i pjesës së mbetur të Unazës së Tiranës për të dalë në sheshin Shqiponja, si dhe ndërtimi i rrugës Kashar-Rrogozhinë.

?Shumë shpejt do të fillojmë edhe pjesën e mbetur të Unazës së Tiranës, për të dalë te sheshi Shqiponja. Një investim i rëndësishëm që do të shkojë rreth 60 milion euro për të lehtësuar trafikun. Jemi duke diskutuar edhe me partnerë privat për të bërë rrugën nga Kashari në Rrogozhinë. Qeveria ka bërë ndërhyrjet e saj edhe në infrastrukturën energjetike. Këtu kemi bërë shumë investime në energji dhe së shpejti fillojmë një investim shumë të rëndësishëm prej 10 milion eurosh për zonën e Kombinatit. Është një nënstacion i ri elektrik dhe një pjesë e rrjetit elektrik i cili do të rinovohet totalisht?, u shpreh Gjiknuri, ndërsa lajmëroi një investim të rëndësishëm edhe në energji./CNA.al





Lajmet e fundit nga