web counter
LEXO PA REKLAMA!

SHKARKO APP

App Store
Google Play

E fundit!

x

Harrojeni rritjen e pensioneve, ja kush pengon

8 Maj 2018, 21:19, Aktualitet CNA

I qenë prezent i vetëm në emisionin “Top Shoë Magazinë”, kryeministri Edi Rama iu përgjigj edhe një pyetjeje të ardhur nga paneli i publikut. Atë e adresonte një pensionist i cili i kërkoi në mënyrë të drejtpërdrejtë të dinte nëse do ketë rritje të konsiderueshme të pensioneve në muajt vijues.

Kryeministri Rama pohoi se do të dëshironte shumë të rriste pensionet, madje këtë dëshirë do ta kishte kushdo që do të ishte në vendin e tij, por akuzoi mungesën e reformës së pensioneve, që e ka penguar qeverinë për të bërë rritje të konsiderueshme.

?Reforma e pensioneve duhet të ishte bërë 25 vite më parë, por për fat të keq u ndërmor vetëm gjatë këtyre viteve nga ne. Të gjithë ata që do të dalin në pension pas hyrjes në fuqi të reformës, do të kenë një trajtim shumë më dinjitoz me vlerën e pension që do të marrin. Ne po mundohemi që të bëjmë paketa solidariteti edhe për ata që kanë dalë në pension përpara kësaj reforme dhe madje kemi synim që të përmirësojmë diçka edhe për ata, por do të isha gënjeshtar nëse do të premtoja mrekulli?, ishte përgjigja e Kryeministrit./CNA,al





Lajmet e fundit nga