web counter
LEXO PA REKLAMA!

SHKARKO APP

App Store
Google Play

Ajo akuzon hajdutët, ora inteligjente e Apple akuzon nusen për vrasjen e vjehrrës

4 Prill 2018, 10:53, Lifestyle CNA

Avancimi i teknologjisë me sa duket ka prekur edhe mënyrën se si do orientohen trupa gjykuese për një çështje të caktuar.

Ora inteligjente nga Apple është bërë provë kyçe në një vrasje të ndodhur në Australi dhe policia ka paraqitur në gjykatë të dhënat e mbledhura nga iWatch Apple.

Myrna Nilsson është vrarë në shtator të 2016 dhe në momentin që është vrarë mbante në dorë orën inteligjente.

Çështja vazhdon edhe sot të jetë në gjykata pa gjetur drejtësinë, pasi nusja e djalit të të ndjerës, Caroline Nilsson, akuzohet që ka vrarë vjehrrën e saj para se ajo të hynte në shtëpi.

Mirëpo, Caroline pretendon se vjehrra e sajë shtë lidhur dhe mbytur nga një grup grabitësish që kishin pikasur shtëpinë e tyre.

Por, iWatch Apple tregon që Myrna ka ndërruar jetë disa orë para orarit që pretendon nusja e saj.

Nga të dhënat e orës inteligjente thuhet se pulsi dhe rrahjet e zemrës së Myrna Nilsson kanë pushuar së rrahuri 3 orë e gjysmë para orës që Caroline ka pretenduar në gjykatë.

Teza e Caroline është që në shtëpinë e vjehrrës së saj kanë hyrë grabitës dhe në tentativë për t?i ndaluar, Myrna ka humbur ndjenjat si shkak i përplasjeve.

Por, ora inteligjente mund ta fundosë nusen në këtë rast, pasi sipas policisë iWatch Apple është e pajisur me sensorë të pagabueshëm që ndjejnë pulsin dhe rrahjet e zemrës duke i regjistruar në kohë reale.

Provat e këtij lloji janë të parat që orientojnë një proces gjyqësor dhe nëse do merren parasysh, kjo do të thotë që në të ardhmen do krijonin hapësirë për t?u kthyer në një precedent./CNA





Lajmet e fundit nga