Mësuesja më e mirë në botë sapo fitoi $1 milion për punën me studentët e varfër

19 Mars 2018, 12:55, Lifestyle CNA

Një grua nga veriu i Londrës u shpall fituesja e parë britanike e çmimit 1 milion dollarësh si mësuesja më e mirë në botë.

Andria Zafirakou, mësuese arti dhe tekstilesh në një shkollë në Brent, në veriperëndim të Londrës, mori çmimin në një event në Dubai të dielën. Prezentë ishin ish zëvendës presidenti amerikan, Al Gore, ish kryeministri britanik Tony Blair dhe piloti i Formula One Lewis Hamilton.

Zafirakou ishte e shokuar nga çmimi dhe tha se nuk e priste kurrsesi të fitonte. Për sa i përket vlerës monetare, ajo tha:

?Do të tregohem e duruar, do të reflektoj. Do të ishte fantastike sikur të zhvilloja më tej artet në komunitetin tonë.?

Ajo kërkoi më shumë mbështetje në lëndët artistike, pasi shkollat mund të ndryshojnë jetët e fëmiijëve përmes lëndëve kreative.

?E kam parë sa shumë ndihmojnë artet në komunikim. Artet u japin vetëbesim studentëve dhe krijojnë njerëz të jashtëzakonshëm,? tha ajo.

Shkolla në të cilën jep mësim Zafirakou, shkolla komunitare në Alperton, ndodhet në një nga zonat më të varfëra të shtetit dhe studentët vijnë nga kultura të ndryshme. Në Brent fliten 130 gjuhë.

Për t?u lidhur me studentët e saj, Zafirakou mësoi fjalët më të rëndësishëm në disa gjuhë, duke përfshirë Gujarati, Hindi dhe Tamil. Gjithashtu, i vizitonte studentët në shtëpi.

?Duke u shkuar në shtëpi, zbulova se shumë nga studentët e mi jetonin në banesa të mbushura me njerëz. Disa familje jetoin nën të njëjtën çati. Zakonisht, ka kaq shumë njerëz dhe është aq zhurmë, sa studentët e mi futen në banjë për të gjetur pak momente paqe e për të studiuar të përqëndruar,? tregon Zafirakou.

Prej gjendjes që pa në shtëpitë e studentëve, Zafirakou organizoi orë më të gjata mësimore gjatë ditës dhe gjatë fundjavës në mënyrë që ata të kishin një vend për të mësuar.

Gjithashtu, ajo riideoi kurrikulën me kolegët e saj mësues që të përfshinte lëndë të rëndësishme dhe të përshtatshme për studentët. Për vajzat nga komunitete konservative, Zafirokou organizoi klube sporti vetëm për vajza.

Vitin e shkuar, mësuesja më e mirë në botë u shpall kanadezja Maggie MacDonnell, e cila punoi me studentë në zonat e largëta dhe të izoluara të Kebekut verior.

Zafirakou do të vazhdojë të shërbejë si mësuese dhe pagesën prej një milion dollarësh do ta marrë në këste./CNA