E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Historia e dhimbshme e Pamelës, në moshën 16-vjeçare ka 6 fëmijë

21 Janar 2018, 10:52, Aktualitet CNA

Pamela lindi fëmijën e saj të parë në moshën 14 vjeçe, 2 vjet më vonë ajo kishte 6 fëmijë dhe u bë adoleshentja me më shumë fëmijë në botë. Historia e saj ka kaluar kufijtë.

Pamela Villaruel jeton në qytetin e Leones, Argjentinë dhe historia e saj tërhoqi vëmendjen, por mbi të gjitha ajo është thirrje për reflektim mbi përgjegjësinë familjare.

Në moshën 14-vjeçare, nëna e parakohshme nuk kishte mbështetjen e partnerit të saj, i cili nuk e njohu fëmijën dhe e braktisi atë.

Me refuzimin fillestar të prindërve të saj dhe braktisjen e partnerit, Pamela e rriti djalin e saj vetëm derisa takoi një djalë tjetër dhe një vit më vonë ngeli shtatzënë me trinjakë.

Pamela ishte ende e mitur dhe kishte katër fëmijë. Ajo që tërhoqi vëmendjen ishte se autoritetet nuk kanë bërë asgjë, pasi djemtë që kishin kryer marrëdhënie seksuale me të ishin me moshë ligjore dhe dënoheshin në Argjentinë si në shumë vende të tjera të botës.

Jeta e ashpër dhe e papërgjegjshme e Pamelës u përkeqësua kur ajo ishte 16 vjeçe dhe ngeli shtatzënë përsëri me një tjetër djalë.

Më e komplikuara? Përsëri trinjakë. Siç pritej, babai i ri nuk donte të njihte të miturit. Në total ishin 7 fëmijë që Pamela kishte në moshën e saj të re, duke mos llogaritur që në moshën 13 vjeçe ajo dështoi një foshnjë.Pamela tha për një media lokale argjentinase:

Ne vazhdojmë sa mundemi, me shumë përpjekje, me disa vështirësi, por gjithnjë përpiqemi t’u sigurojmë fëmijëve që të kenë atë që u duhet, edhe pse nuk mund ta bëjmë gjithmonë”Nëna e Pamelës thotë se pas lindjes së trinjakëve të saj të dytë, qeveria komunale e Leones duhej të ofronte më shumë ndihmë për vajzën dhe nipërit e saj.

Ndihma erdhi. Pavarësisht nga kërkesa e familjes së Pamela, qeveria krahinore i ofroi asaj një shtëpi të re për të jetuar, një pension prej 800 pesos dhe një sasi pelenash që merr çdo muaj./CityNews