web counter
LEXO PA REKLAMA!

SHKARKO APP

App Store
Google Play

Tragjedia në Vlorë, zbardhen detaje të reja/ Nënë e bir me plagë në trup, dyshohet vrasje

21 Janar 2018, 10:43, Aktualitet CNA

Dalin detaje të reja nga tragjedia në Vlorë ku nga zjarri në banesë humbën jetën nënë e bir.

Sipas ekspertizës mjeko-ligjore, viktimat, 73-vjeçarja Selkie Hoxhallari dhe djali i saj 43 vjeçar, Olsi Hoxhallari, kanë shenja dhune në trup, ngre dyshimet se ata mund të jenë vrarë. 43-vjeçari ka një të çarë në kafkë, ndërsa e ëma, ka shenja dhune në fyt.

Policia dyshon se kemi të bëjmë me vrasje, ndërsa për të fshehur ngjarjen, autorët i kanë vënë flakën babesës. Policia ka shoqëruar të afërmit e viktimave për t’i marrë në pyetje nëse ata kanë pasur probleme.

Dinamika e ngjarjes

Një banesë në Vlorë është përfshirë nga flakët rreth orës 04:00 të mëngjesit duke shkaktuar dy viktima. Bëhet fjalë për 73 vjeçaren Selkie Hoxhallari dhe djalin e saj 43 vjeçar Olsi Hoxhallari, të cilët kanë humbur jetën për shkak të asfiksisë, pasi në banesën e tyre ka pasur rrjedhje gazi nga bombola e cila më pas ka shkaktuar edhe zjarrin.

Banesa një katëshe ndodhej në afërsi të pyllit të ?Sodës? në lagjen ”1 Maji” të qytetit të Vlorës. Të dy personat ishin duke fjetur në momentin që ka rënë zjarri dhe si pasojë nuk kanë mundur të shpëtojnë. Shkak dyshohet se ka qenë rrjedhja e gazit nga bombola e kombinuar me sobën e ndezur gjatë natës për ngrohje.

Forcat zjarrëfikse kanë mbërritur në vendngjarje pas alarmit nga fqinjët, por gjithçka ishte shkrumbuar, mendohet se shkak mund të jetë bërë zjarri që përdornin për ngrohje por edhe bishti i një cigareje e hedhur pranë sobës. Grupi hetimor po punon për të zbardhur të plota rrethanat e kësaj tragjedie.

Forcat zjarrfikëse kanë nxjerrë nga banesa dy trupat e pajetë të cilët ishin karbonizuar nga zjarri. Selkie Hoxhallari dhe djalin e saj Olsi ishin me origjinë nga Korça dhe jetonin prej 15 vitesh në Vlorë./shqiptarja.com





Lajmet e fundit nga