web counter
LEXO PA REKLAMA!

SHKARKO APP

App Store
Google Play

Rrëfehet babai i Florencit/ Djalin tim ma vranë, shenja dhune në duar dhe qafë

15 Janar 2018, 12:15, Aktualitet CNA

“E kam parë djalin me tel në fyt. Nuk kishte se të ishte vrarë me çarçaf. Shenja ishte si tel i djegur, dhe të njëjtat shenja që kishte në qafë i kishte edhe në duar.?

Kjo ka qënë deklarata që ka bërë babai i Florenc Beqirajt, i cili humbi jetën në mënyrë mistrerioze në Francë.

I ftuar në emisionin ?Me zemër të hapur? në News 24, Gëzim Beqiraj ka treguar se Florencit i janë hequr aparaturat pa miratimin e familjarëve.

Gjithashtu ai tha se Florenc Beqiraj nuk është vetëvrarë se nuk ka pasë asnjë arsye për të ndërmarrë këtë akt.

?Pasi një viti që kishte shkruar në Francë nuk i dhanë leje qëndrimi dhe ka qëndruar pa dokumenta. Shiste rroba të përdorura. Pasi është kthyer nga puna, ndërkohë që po bënte për të ngrënë i ka shku policia në shtëpi dhe e ka marrë, pa e lejuar të marrë as gjerat e tij personale.?- ka thënë ndër të tjera babai i Florenc Beqirajt.

Gjithashtu ai tha se Florenci i ka telefonuar me numër policie jo me telefonin personal. Dhe kur ata e kanë telefonuar sërish, është përgjigjur një polic i cili ju ka thënë ?Florencin e keni të vdekur në spital?.

Babai i Florenc Beqiraj, Gezim Beqiraj ka rrëfyer dhe momentin e heqjes së aparaturave të djalit të tij, si dhe presionin e mjekëve në Francë se nëse ai do kundërshtonte do thërrisnin policinë. Ai u shpreh se pas heqjes së aparaturave, djalit i ka punuar zemra për 4 minuta.

Beqiraj u shpreh se kërkon nga shteti shqiptarë të zbardhë të vërteten e kësaj ngjarje./ CNA.al





Lajmet e fundit nga