web counter
LEXO PA REKLAMA!

SHKARKO APP

E fundit!

x

Jozefi lezhiano-ekuadorian, patriot i zjarrtë italian

8 Janar 2018, 14:08, Aktualitet CNA

Jozef Lushi vetëm 18 vjec në një intervistë për gazetën e djathtë italiane ?Il Giornale? mbron fort pikëpamjet politike të partisë së djathtë ?Lega Nord? (lidhja e Veriut) vecanërisht përsa i përket dhënies në mënyrë automatike të shtetësisë italiane për të gjithë ata të huaj, që lindin në tokën italiane.

Jozefi thekson se marrja e nënshtetësie italiane nuk është e drejtë, por një privilegj, që fitohet me mund e punë e para së gjithash duke përvetësuar kulturën e gjuhën italiane. Interesant është fakti, që Jozefi i lindur në Peruxha babain e ka lezhian, ndërsa nënën e ka ekuadoriane, ndërsa veten e deklaron italian të flaktë!

Pavarësisht se arsyetimi i adoleshentit Jozef në vartësi të këndvështrimit mund të bëhet edhe objekt kritikash, na tërhoqi vëmendjen motoja e jetës së këtij adoleshenti tashmë as shqiptar dhe as ekuadorian, por thjesht safi italian! Motoja e tij është: flamurët e të tjerëve thjesht respektohen, ndërsa flamuri i Atdheut tënd duhet dhe mbrohet! Sa mirë do të ishte, që shqiptarët të merrnin shembull nga italiani Jozef përsa i përket dashurisë për Atdheun dhe flamurin kombëtar!/ GJERGJ THANASI





Lajmet e fundit nga