web counter
LEXO PA REKLAMA!

SHKARKO APP

App Store
Google Play

E fundit!

x

Ylli Rakipi largohet nga News24/ "Të paekspozuarit" shkon tek Top Channel

5 Janar 2018, 20:57, Aktualitet CNA

Gazetari Ylli Rakipi, ka lënë televizionin News24, për të kaluar tek Top Channel. Burime të CNA (CityNews Albania), bënë të ditur se lëvizja e Ylli Rakipit, me emisionin e tij “Të paekspozuarit”, vjen pas largimit të Sokol Ballës, nga Top Channel.

Të njëjtat burime i thanë CNA se “Të pakespozuarit” e Ylli Rakipit, do të zëvendësojë emisionin “Top Story” i cili drejtohej nga Sokol Balla. “Të paekspozuarit” do të transmetohet të enjten, ashtu siç ishte edhe tek News24. “Të paekspozuarit” ka pjesë të panelit edhe analistët Fatos Lubonja dhe Andi Bushati. Nga burimet e CNA, është konfirmuar se Andi Bushati do të jetë pjesë e panelit edhe tek Top Channel, ndërsa për Fatos Lubonjën ende nuk ka një konfirmim.

Sokol Balla, u largua nga Top Channel pas 12 vitesh bashkëpunimi si gazetar dhe drejtues në këtë media. Marrëdhëniet pësuan krisje, kur Vjollca Hoxha, shkarkoi Sokol Ballën nga posti i Drejtorit të Informacionit, dhe në vend të tij solli gazetarin Endri Xhafon. Krisja e marrëdhënieve dyshohet se erdhi për shkak të ndryshimit të politikës editoriale të Top Channel, ku Vjollca Hoxha, ndryshoi kah nga një televizion pro qeverisë Rama, në një medie kundërshtuese dhe sulmuese.

Balla pritet të drejtojë një emision të ri në Vizion Plus, të quajtur “Real Story”, ndërsa njëkohësisht mësohet se ai do jetë edhe drejtor informacioni në këtë televizion.

“Top Story” mësohet se do të vijojë të transmetohet, por në ditë të ndryshme dhe do të drejtohet nga Endri Xhafo. /CityNews





Lajmet e fundit nga