web counter
LEXO PA REKLAMA!

SHKARKO APP

App Store
Google Play

E fundit!

x

LSI me këmbë përpjetë

21 Dhjetor 2017, 13:10, Aktualitet CNA

Sot edhe një herë tjetër, LSI tregoi se çfarë force politike është, si luan dhe ç’mund të përfaqësojë.

Në mëngjes Monika Kryemadhi kërcënoi me vdekje Edi Ramën duke i treguar Esat Pashë Toptanin, po sot në mëngjes me urdhër të saj këshilltarja e LSI-së në këshillin bashkiak, Bora Panajoti u bë varka e shpëtimit për Erion Veliajn.

Në mëngjes do të vrasë Ramën dhe po në mëngjes i bën dasmën Veliajt, dhe këtë e bën LSI-ja.

Nga njëra anë është në marrëveshje për një front opozitar me PD-në, përplaset ashpër në parlament me kryeministrin, nga ana tjetër shkon, ulet e hanë sa të munden nga byreku në tepsinë e Erion Veliajt.

Në një anë, LSI-ja bën opozitaren, nga ana tjetër për pazare të pista, klientelizëm e korrupsion i shërbejnë kryebashkiakut të Tiranës sa herë që ai ka nevojë, edhe në rastet kur vendimet janë kundër qytetarëve, siç ishte rritja e çmimit të ujit në Tiranë.

LSI-ja i tregon Esat Pashanë Edi Ramës dhe ngre këmbët përpjetë për Erion Veliajn. Sa në shtratin e Lulit, aq në shtratin e Lali Erit. Rama kuptohet që është armiku, dhe kjo duket të jetë tërësisht qesharake, sepse LSI nuk ka asnjë moral, thjeshtë po bën pazare.

Ilir Meta në mënyrë banale kërkon të krijojë idenë se e ardhmja e së majtës është Veliaj, i cili ka dhe mbështetjen e LSI-së. Pra, një tjetër intrigë perverse e politikës që LSI-ja bën duke qënë në krah të Bashës.

Qëndrojnë me Lulin në frontin opozitar dhe në anën tjetër kanë gati një marrëveshje me Erion Veliajn, që në fakt është një marrëveshje kundër Bashës. Gjoja si intrigë ndaj Ramës, por në fakt është një aferë për shkak të korrupsionit dhe pazareve të pista, për të cilat LSI-ja ka nevojë që të mbijetojë.

Dikush duhet ta gjejë përgjigjen. LSI-ja është me Bashën, është kundër Ramës, apo ka ngelur me këmbë përpjetë për Veliajn?/ CityNews





Lajmet e fundit nga