web counter
LEXO PA REKLAMA!

SHKARKO APP

App Store
Google Play

E fundit!

x

Vettingu/ Ja gjyqtarët dhe prokurorët që kalojnë të parët në sitë

15 Dhjetor 2017, 08:03, Aktualitet CNA

Vettingu do të nisë me 3 krerët e sistemit të drejtësisë, ndërsa më pas në sitën e komisionerëve dhe ndërkombëtarëve do të kalojnë shumë emra të përfolur në media dhe politikën shqiptare. Komisioni i Kualifikimit ka publikuar një listë me 57 emra gjyqtarësh dhe prokurorësh që po verifikohen të parët. Gazeta ?Sot? shkruan se mes tyre, ka shumë individë që kanë pasur në dorë dosje shumë të rëndësishme.

Sipas gazetës, të parët që do të verifikohen, janë kryeprokurori në largim Adriatik Llalla, kreu i Gjykatës së Lartë, Xhezair Zaganjori dhe kreu i Gjykatës Kushtetuese, Bashkim Dedja.

Me shumë interes priten të dhënat për Llallën, i cili është bërë mjaft protagonist ditët e fundit, pasi PD-LSI kanë kërkuar që të mos largohet nga posti i kryeprokurorit.

Më pas do të vijohet me emrat e tjerë, anëtarë të Gjykatë së Lartë, të Gjykatës Kushtetuese dhe kandidatëve për KLGJ, KED dhe KLP.

Por kush janë këta emra dhe çfarë dosjesh kanë shqyrtuar ata?

Në listë është Artan Broci, i cili ka shqyrtuar vrasjet e 21 Janarit. Aktualisht ai është gjyqtar i Gjykatës së Lartë. Por kur ndodhi ngjarja e 21 Janarit, ai ishte në Gjykatën e Apelit dhe u mor vendimi për dënimin e disa prej anëtarëve të Gardës, por dënime minimale.

Një tjetër emër është Tom Ndreca. Ai është anëtar i Gjykatës së Lartë aktualisht, por në vitin 2011 ka qenë pjesë e Kolegjit Zgjedhor, i cili bëri Lulzim Bashën kryetar bashkie. Në atë kohë pati një debat të ashpër pasi Arben Ristani, kryetar i KQZ në atë kohë vendosi që 10 votat që ishin hedhur gabim në kuti të kalonin në favor të Bashës.

Çështja shkoi në Kolegjin Zgjedhor dhe aty vendimi i KQZ u cilësua i drejtë. Pjesë e këtij kolegji ishte Tom Ndreca. Por ky gjyqtar është pjesë dhe e trupës që mbyllën rastin e 21 Janarit.

Prokurorët

Nëse shohim me kujdes listën e cila po verifikohet, ka dhe disa prokurorë të njohur për publikun. Duke i marrë me radhë, kemi dy emra: Alma Muça, Drejtore e Drejtorisë Gjyqësore në Prokurorinë e Përgjithshme dhe Artur Selmani, Prokuror në Prokurorinë e Përgjithshme. Të dy këta emra në shkurt të këtij viti u pezulluan nga detyra dhe u akuzuan për korrupsion e shpërdorim detyre. Selami kandidon dhe për postin e kryeprokurorit të përkohshëm. Një tjetër emër është Arben Kraja. Ai ka shqyrtuar dosjen e aferës së CEZ. Bëhet fjalë për hetimet që nisën ndaj ministrit Damian Gjiknuri për marrëveshjen me CEZ për të mos shkuar në Arbitrazh, por çështja u pushua. Adnan Xholi është një tjetër prokuror që ka shqyrtuar dosje VIP. Ai kishte në dorë padinë e Kuvendit për Berishën dhe djalin e tij për aferën e privatizimit të OSSH. Xholi ishte ai që i kërkonte llogari Kuvendit se përse kërkonte hetim për Shkëlzen Berishën dhe më pas dosja u transferua dhe gjithçka u mbyll. Emër tjetër është Rovena Gashi, të cilës i është bllokuar viza nga SHBA. Po ashtu viza i është bllokuar dhe Petrit Fushës, që është kreu i Prokurorisë së Tiranës. Një tjetër emër që do të kalojë në sitë është dhe Adriatik Cama, i cili ka pasur në dorë dosjen e 21 Janarit. Mbetet të shihet se në çfarë përfundimesh do të dalë Komisioni i Kualifikimit për emrat në fjalë.





Lajmet e fundit nga