web counter
LEXO PA REKLAMA!

SHKARKO APP

App Store
Google Play

PD tregon dy zgjidhjet që i japin fund ngërçit të krijuar për Kryeprokurorin

7 Dhjetor 2017, 20:41, Aktualitet CNA

Deputeti i Partisë Demokratike Oerd Bylykbashi, në një lidhje direkte për emisionin “Top Story” të gazetarit Sokol Balla, ka komentuar qëndrimet e PD-së në lidhje me zgjedhjen e Kryeprokurorit të ri.

Sipas tij dy janë zgjidhjet e mundshme që mund t’i japin fund kësaj krize të krijuar. Ai u shpreh se duhet ose të krijohet KLP-ja, ose t?i lihet Gjykatës Kushtetuese që të vendosë për mandatin e Kryeprokurorit apo për formulën e zgjedhjes së tij.

?Ne kërkojmë zbatimin e Kushtetutës. Mandati konstatohet i përfunduar nga KLP-ja. Dhe Kryeprokurori i ri, i përkohshëm ose jo vendoset me 3/5 e votave dhe nuk lë asnjë ekuivok. Nëse mazhoranca nuk do të kishte bllokuar formimin e KLP-së, nuk do ndodheshim këtu. Mazhoranca synon që të kapë drejtësinë nëpërmjet këtij Kryeprokurori të përkohshëm të zgjedhur me shumicë të thjeshtë. Kjo tregon se Kushtetuta ka një boshllëk, ne e kemi thënë me kohë. Por në rastin konkret mazhoranca po përpiqet ta shfrytëzojë për të zgjedhur një Kryeprokuror të përkohshëm. Rama me probleme të rënda dhe dosje të nxehta kërkon të ndikojë në hetimet e këtyre çështjeve. Sot ne kemi dy dispozita kushtetuese, i pari, me të cilin është zgjedhur edhe Llalla, i përcakton 5 vite, dhe një dispozitë që i jep Kryeprokurorit të ri mandatin e 7 viteve. Zgjidhja është, të ngrihet KLP ose të vendosë Gjykata Kushtetues?, – deklaroi Bylykbashi për Top Story. /CityNews





Lajmet e fundit nga