web counter
LEXO PA REKLAMA!

SHKARKO APP

App Store
Google Play

E fundit!

x

Policisë së Rinasit i arratisen 2 të dëbuar nga Serbia

30 Nëntor 2017, 10:25, Aktualitet CNA

Ditën e hënë më 27 nëntor 2017 rreth orës 2 të mëngjesit në Aeroportin e Rinasit zbriti aeroplani i kompanisë ?Air Serbia? i linjës Beograd-Tiranë.

Pasagjerët normal u ndaluan të zbrisnin nga aeroplani, derisa policia shqiptare të merrte në dorëzim dy djem të rinj të dëbuar për në Shqipëri nga autoritetet serbe. Dy të rinjtë nuk pritën policët, që po vonoheshin, por zbritën me vrap shkallët e avionit dhe vazhduan vrapin në pistë.

Më pas ata iu bashkuan një grupi pasagjerësh e bashkë me ta filluan të ecin normalisht drejt hyrjes së ndërtesës së aeroportit.

Një incident i tillë nuk u raportua fare nga policia kufitare e aeroportit. Nuk dihet, nëse dy të arratisurit u kapën më vonë apo jo. Nuk dihet madje as se, cilët janë 2 personat e dëbuar nga Serbia, që si të thuash i bënë glasën policisë kufitare shqiptare.

Një oficer i rangut të mesëm i BIA-s serbe, po i shpjegonte plot sarkazëm një gazetari serb etnik pasagjer në avion se sic duket siguria në Aeroportin ?Nënë Tereza? është thuajse në të njejtin nivel mjeran, sa edhe siguria në Aeroportin ?Adem Jashari?. Gjergj Thanasi





Lajmet e fundit nga