E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në pa...

“Pse nuk më akomoduat në hotel me 5 yje?” / Ja si i përgjigjet organizatori i seminarit ministres Karabina

15 Gusht 2017, 17:46, Aktualitet CNA

Pas ankesave nga ministrja Karabina, e cila u ka kërkuar llogari autoriteteve të Kosovës se përse nuk është akomoduar në një hotel me 5 yje, ka ardhur dhe reagimi i organizatorit të Seminarit në Kosovë, Nuhi Gashi.

Nëpërmjet një e- maili zyrtar, Gashi e ka cilësuar si ?agresive? letrën e ministres së Arsimit. Ai shkruan se është i gatshëm që t?i dorëzojë ministres Karabina të gjitha dokumentet e nevojshme përsa i përket buxhetit të ofruar nga pala shqiptare dhe ajo kosovare dhe mënyrës se si është shpenzuar ai.

Ndërsa përsa i përket organizimit, sipas së cilës nuk ishte në nivelin e duhur, Gashi shkruan se ka qenë vetë ajo që nuk ka respektuar një ndër kriteret kryesore të këtij seminari, orarin kur ishte parashikuar të niste.

Ai tregon se e ka pasur shumë të vështirë që të ?zbusë zemërimin? e mësuesve të pranishëm në sallë, pasi ministrja Karabina, e cila pretendon për standarte të larta organizimi, ka ardhur plot 30 minuta me vonesë.

E-maili i plotë i Gashit drejtuar stafit të Ministres

?E nderuar zonja Gjishti!
Fillimisht uroj të jeni mirë dhe më ndjeni që nuk arrita me kohë të jep sqarime lidhur me çështje konkrete që ngre letra Juaj. Kisha skajshmërisht shumë punë rreth seminarit dhe nuk më mbetej kohë për postën.

Por, një imejl i përsëritur, i ardhur si Cc edhe në adresën time, më obligon që aktualisht në shenjë respekti, mirësjellje e kontributi eventual për kompletimin e të dhënave në kontekst të letrës Suaj, deri në leximin e kujdesshëm të raporteve/pyetësorëve e vetëvlerësimeve (anonime) të mësueseve e të mësuesve, t?ju sqaroj si më poshtë:

? Pothuaj se për shumicën e zërave/njësive të seminarit, të cilat ju i afishoni në letrën Tuaj, shpresoj se do të kemi vlerësimin e sqarimet e nevojshme nga personat përgjegjës të logjistikës së Seminarit (akomodimi, sallat, pajisjet, ushqimi, higjiena etj;) dhe mbase e mira e kësaj pune është se ata (të të dy ministrive homologe) ishin aty, i dinë këto punë shumë më mirë se unë (unë personalisht dhe shumica e mësueseve, duke punuar në shtetet e demokracive më të zhvilluara, kanë marrë shumëçka nga një kod tjetër i sjelljes, ku titullari i shtetit /i çdo niveli/ duhet të gjendet në sallë edhe para kohës së shpallur) dhe i posedonin edhe dokumentet/marrëveshjet e arritura paraprakisht (shkurt 2017) me hotelin;

? Shikuar nga perspektiva ime, fillimisht si autor e më vonë bashkautor i konceptit të zhvilluar më tej të kësaj ngjarjeje, përtej subjektivizmit e sentimenteve të mia me të (seminarin), aq sa arrita të qëmtoj vlerësimet e mësuesve e të mësueseve, e them me plot kompetencë profesionale e kënaqësi se në veçanti në rrafshin e formatit didaktik më janë realizuar pritjet;

? Në raport me gjuhën mjaft ?agresive? të letrës Suaj, më duhet t?Ju sqaroj se, ndër të tjera, nuk e pata të lehtë ta ?qeveris? apo ta zbus zemërimin e mësuesve për vonesën deri në 30 minuta të fillimit të punimeve të seminarit dhe heqjen nga agjenda të komunikimit të hapur (debatit), të planifikuar ditën e parë në linjën: mësuesit/et- ministrat respektivë të tri ministrive;

? Puna e hetimit/auditimit edhe buxhetor/financiar për mua është një normalitet/rutinë, që ka ndodhur dhe duhet të ndodhë edhe me këtë rast, prandaj më keni të hapur me të gjitha letrat e të dhënat që posedoj;

? Një raport integral e me kompetencë të plotë (nga ana ime) do ta bëj ditët në vazhdim, natyrisht mbështetur, fillimisht, në (vetë)vlerësimet/gjykimet e mësuesve, sepse seminari u dedikohet atyre dhe mund të mbijetojë vetëm nëse u përshtatet interesave e nevojave të tyre (bile në këtë rrafsh, ua bëj me dije të gjithë subjekteve se edhe më tutje bazën e buxhetit të seminarit e përbën investimi personal i mësuesit/es në para, kohë, durim e guxim profesional, angazhim e përkushtim patriotik etj., që thënë shkurt mund të emërtohet si ndërgjegje kulturore)

Me respekt,

Nuhi Gashi? /CityNews