web counter
LEXO PA REKLAMA!

SHKARKO APP

E fundit!

x

Ligjvënës që prej shtatorit/Ja kush janë 4 deputetët që s’kanë mbaruar ende shkollën

6 Gusht 2017, 09:46, Aktualitet CNA

Në shtator në parlament do të ulen deputetët e rinj që do ta ushtrojnë funksionin e tyre për 4 vitet e ardhshme.

Mes të vjetërve për të cilët parlamenti nuk është risi, në karrigen e sallës plenare do të ulen edhe figura krejtësisht të reja.

Shumica prej tyre janë juristë në profesion, ndërsa 4 ligjvënës akoma nuk e kanë përfunduar shkollën.

Për kë bëhet fjalë? Sigurisht po flasim për deputetët me të rinj në moshë të parlamentit.

Dy deputete që nuk e kanë përfunduar akoma shkollën janë nga LSI. Konkretisht bëhet fjalë për Kejdi Mehmeti, e cila vazhdon studimet për Inxhinieri, Floida Kerpaçi, e cila vazhdon studimet për mjekësi, dega Farmaci.

Deputetja tjetër që akoma nuk e ka mbaruar shkollën është Reme Lala, e cila do të hyjë në parlament si përfaqësuese e PDIU. Reme Lala është akoma në shkollë dhe vazhdon studimet për degën Financë.

I katërti është deputeti Anduel Xhindi, i cili ka deklaruar se vazhdon Fakultetin Ekonomik që prej vitit 2006 dhe akoma nuk e ka mbaruar të./CityNews





Lajmet e fundit nga