web counter
LEXO PA REKLAMA!

SHKARKO APP

App Store
Google Play

Aksion i frikshëm/Policia mbërthen vendin, dalin sheshit sasi rekord droge

14 Korrik 2017, 14:03, Aktualitet CNA

Policia vijon operacionin antidrogë në mbarë vendin. Gjatë aksionit, është kapur një tjetër sasi e madhe kanabisi në qytetin e Vlorës. Bëhet fjalë për një sasi prej 600 kilogramësh të gjetur në fshatin Drithas.

Droga është gjetur gjatë kontrollit të territorit përreth, ku në ndihmë të policisë ishte dhe qeni antidrogë.

Efektivet e Policisë pranë Drejtorisë Vendore të Policisë Vlorë, në bashkëpunim të ngushtë me Prokurorinë e Vlorës, menjëherë nga krehja që i kanë bërë zonës përreth terrenit ku u konstatuar dje lënda narkotike, ditën e sotme kanë gjetur një sasi tjetër me lëndë narkotike në pjesën perëndimore të fshatit Drithas, Vlorë.

Lënda narkotike u gjet e fshehur nëpër shkurret e një përroi, e vendosur në disa thasë sintetikë të cilët përmbajnë pluhur të imët, të ngjashme me atë të llojit kanabis sativa.

Dyshohet se kjo sasi mund të jetë rreth 600 kg. Krehja e zonës është kryer gjithashtu edhe me ndihmën e qenit antidrogë të specializuar për konstatimin e saj.

Nga hetimet paraprake, kjo pjesë territoriale dyshohet se është pronë e Myzafer Tushaj dhe të vëllait të tij F. Tushaj.

Vazhdojnë veprimet e mëtejshme të transportimit të saj drejt ambienteve të Policisë Vlorë./CityNews





Lajmet e fundit nga