web counter
LEXO PA REKLAMA!

SHKARKO APP

App Store
Google Play

E fundit!

x

Eduart Selami publikon foto me gruan e Lulzim Bashës/Cili është mesazhi?

7 Korrik 2017, 19:46, Aktualitet CNA

Gara farsë në Partinë Demokratike ka nisur dhe përballë njëri-tjetrit janë dy kandidatë, Lulzim Basha dhe Eduart Selami, të cilët kanë treguar se kanë më shumë gjëra që i bashkojnë se sa që i ndajnë.

Shumë zëra të rëndësishëm në Partinë Demokratike, që kanë dhënë kontribut të madh, këtë përballje të Bashës dhe Selamit, në kohën kur PD më shumë se kurrë ka nevojë për analizë, bashkim dhe pajtim, e kanë konsideruar farsë dhe të papranueshme.

Qëkur Eduart Selami shpalli kandidaturën për të garuar në krye të PD, në opinionin publik dhe në radhët e demokratëve kjo kandidaturë u pa e dyshimtë dhe si një bashkëpunim mes Bashës e Selamit. Por pavarësisht kësaj, Selami shprehet se ka një bindje dhe ai do ta çojë deri në fund atë, duke shpresuar të marrë drejtimin e PD.

Krejtësisht në kundërshtim me atë që deklaron publikisht, Selami duket se lidhjet i ka vërtetë të ngushta me Lulzim Bashën dhe familjen e tij.

CityNews më poshtë ju sjell një foto që tregon se fanpage i Eduart Selamit, në kopertinë të rrjetit social, ka një foto të tij me gruan e Lulzim Bashës, Aurelën.

Fotoja e mëposhtme nuk është asgjë  tjetër veçse një mesazh i qartë i falsifitetit që po ndodh në Partinë Demokratike. Eduart Selami dhe Lulzim Basha, po shfaqen si kandidatë të kundërt, konkurrentë dhe rivalë, por në fakt nuk janë as më pak dhe as më shumë, veçse bashkëpunëtorë të ngushtë të njëri-tjetrit./CityNews   





Lajmet e fundit nga