web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen sekretet e jetës private të princeshës Diana

19 Mars 2017, 07:44, Lifestyle CNA

Pas lindjes së princit William, ajo mori 24,000 letra falënderimesh. Ky koleksion i letrave private pritet se do të ngjallë interesim të madh, pasi që do të nxirren për t’u shitur në një ankand, muajin tjetër. Aty përfshihen edhe lista e dhuratave të martesës, lulet e thara nga buqeta e dasmës së princeshës Diana,shkruan gazeta Kosova Sot.Disa momente intime të jetës së princeshës Diana, sikur martesa e saj me princin Charles, lindja e princit William, etj, do të bëhen publike pasi që letrat e saj janë nxjerrë në ankand. Duke i shkruar sekretares personale, Jane Parsons, princesha tregon se muaji i tyre i mjaltit ishte një rast i përkryer për të që të flinte më tepër. Marrim vesh edhe se, pas lindjes së princit William, ajo mori 24,000 letra falënderimesh. Ky koleksion i letrave private pritet se do të ngjallë interesim të madh, pasi që do të nxirren për t’u shitur në një ankand, muajin tjetër. Aty përfshihen edhe lista e dhuratave të martesës, lulet e thara nga buqeta e dasmës së princeshës Diana, letrat e shkruara gjatë muajit të mjaltit të çiftit në jahtin mbretëror “Britannia”, si dhe momentet pas lindjes së princit William.

4,500 dhuratave për beben

Ka edhe letra falënderimi, kartolina Kërshëndellash, fotografi dhe ftesa për ngjarje të ndryshme mbretërore. Sidomos e rrallë konsiderohet letra, të cilën princesha ia dërgoi zonjushës Parsons gjatë muajit të tyre të mjaltit. Të shkruar në letrën e veçantë të jahtit dhe të shënuar me datën 15 gusht 1981, ajo shkruan: ‘Muaji i mjaltit ishte një mundësi e përkryer për ta kompensuar gjumin…”. Më pas kemi një korrespodencë të këmbyer pas lindjes së princit William, ku përfshihen edhe detaje rreth 4,500 dhuratave për beben dhe jepet e dhëna se princeshës i kishin dërguar letra falënderimi rreth 24,000 gra që ishin në pritje të lindjes së fëmijëve të tyre. Letrat dedikuar “të gjithë të pranishmëve” përmbajnë falënderimet për dhuratat e ditëlindjes së saj të 21-të dhe shprehin ‘falënderimin e saj për faktin që ka një grup kaq të mrekulluar të njerëzve që përkujdesen për të. Princesha po ashtu shpreh shqetësimin e saj që stafi të mos lodhet tepër e të paguhet pak, pas lindjes së bebes së re princ. Duke falënderuar zonjushën Parsons dhe pjesëtarët e tjerë të stafit, për faktin se ia kishin dhuruar një kornizë të argjendtë, princesha thotë: ‘Kohëve të fundit kam shumë fotografi të Williamit, kështu që është shumë mirë që, njërën prej tyre, mund ta fus në kornizë, për ta vendosur në dhomën tonë të gjumit’.

“Është ndjenjë e mrekullueshme të jem përsëri në shtëpi”

shtëpi” Ajo rrëfehet: ‘Kurrë nuk jam ndier më në konfuzion, sesa me rastin e ditëlindjes sime, meqë dhuratat dhe telegramet vinin nga të gjitha anët, saqë, në një moment, më dukej se isha duke përtypur letra”. Një letër e shkruar në pallatin Kensington, që mban datën 5 korrik të vitit 1983, tregon se sa e kënaqur që ishte princesha Diana, kur e kishte parë të birin, pasi që ishte kthyer nga turneu në Australi. Ja çka i shkruan ajo zonjushës Parsons: ‘William na njohu menjëherë sapo na pa, gjë që ishte lehtësim i madh, meqë ndonjëherë fëmijët nervozohen kur prindërit nuk i marrin me vete! Është ndjenjë e mrekullueshme të jem përsëri në shtëpi dhe shpresoj që, këtë vit, të mos na duhet më të bëjmë udhë- time të gjata… këto janë vetëm shpresa!’. Diana më pas vazhdon: E di se je mbuluar nga një valë e postës… mos u mërzit, nuk do të ketë më bebe derisa ta marr veten ashtu si duhet’. Korrespodenca e princeshës Diana do të shitet në shtëpinë e ankandeve “Stroud”, më 12 prill nga ora 10 të mëngjesit, deri në orën 7 të mbrëmjes./Kosova Sot





Lajmet e fundit nga