web counter
LEXO PA REKLAMA!

SHKARKO APP

App Store
Google Play

E fundit!

x

PD kërkon rregulla loje/ Patozi: Protesta për të parandaluar vjedhjen e zgjedhjeve

18 Shkurt 2017, 18:39, Aktualitet CNA

Deputeti demokrat Astrit Patozi, teksa ndodhej pranë qytetarëve që po protestojnë, tha se ata kanë një mijë arsye për të protestuar.

Sikundër demokratët e tjerë, Patozi u shpreh se fati i qytetarëve nuk mund të lihet në dorën e kriminelëve, duke vjedhur votën.

?Unë besoj tek suksesi i kësaj proteste, e cila është përpjekja për të parandaluar një krim. Ne po kërkojmë parandalimin e vrasjes së zgjedhjeve?, tha ai në një prononcim të shkurtër për “News 24”.

Më tej ai shtoi se nëse qeveria reziston, për rrjedhojë edhe protesta do të jetë e gjatë. Duke e cilësuar këtë protestë si simbolike, për të, zgjedhjet e lira mbeten kauza e të gjithë shqiptarëve.

Në vazhdën e akuzave, Patozi tha se kemi një qeveri tmerrësisht të dobët e se PD kërkon rregulla loje për zgjedhje të lira e të ndershme.

Astrit Patozi tha ndër të tjera se protesta nuk po mbahet për të marë pushtetin në tavolinë. ?Ky vend ka nevojë për reforma, por jo me këtë qeveri. Jam i bindur se ky vend ka nevojë për reforma, por me një qeveri të përgjegjshme, por jo me këtë kryeministër?, deklaroi Patozi.

Është folur për një përshkallëzim të protestës, edhe grevë urie?

Unë uroj që qeveria të gjejë një rrugë që kjo protestë të mos zgjatet. Çdo skenar është i mundshëm. Unë nuk mendoja se është forma ajo që do e vendosë suksesin e kësaj proteste, por përmbajtja.

Një koment për regimin e Ramës për protestën?

Unë nuk e kam parë këtë koment të kryeministrit. Patjetër që reformat do vazhdojnë  dhe ky vend ka nevojë për reforma, por jo me këtë qeveri. Duhet ti bëjë një qeveri e përgjegjshme, jo ky kryeministër që është pakicë  dhe në qeverinë e vetë. Kjo maxhorancë mbahet vetëm nga numrat. Kjo ishte protesta më e madhe  dhe e fuqishme në numër  dhe në shpirt. E them me bindje, nuk po flas me numër. /CityNews 





Lajmet e fundit nga