web counter
LEXO PA REKLAMA!

SHKARKO APP

App Store
Google Play

Protesta e 18 shkurtit si “21 Janari”?/ Imami: S’mund të parashikojmë reagimin e njerëzve…

16 Shkurt 2017, 21:31, Aktualitet CNA

Deputeti i Partisë Demokratike, njëherësh ish-ministër i Brendshëm, Arben Imami zbuloi detaje të reja nga protesta e 18 shkurtit e opozitës, në emisionin ?Të Paekspozuarit? në News 24.

Ndonëse siguron se nuk është parashikuar i njëjti skenar si më 21 Janar të 2011-ës, kur opozita e asaj kohe, siç tha ai nxori në bulevard 300 banditë që qëlluan kryeministrinë, nuk mund të parashikohet reagimi që do kenë njerëzit.

?Nuk e dimë çfarë reagimi do kenë qytetarët pas orës 12:00. Nuk do të ketë dhunë, nuk do të ketë 21 janar sepse kjo parti është demokratike, nuk merr 300 apo 400 rrugaçë, por ne nuk e dimë çfarë do ndodhë, nuk e dimë çfarë reagimi do kenë qytetarët?,- tha Imami.

Më tej, kryeredaktori i gazetës ?Panorama?, Robert Rakipllari tha se protesta e opozitës nuk do jetë një tubim dhe disa fjalime, por do zgjasë deri në një afat të pacaktuar.

?Di që nuk do jetë një protestë që s?do mbarojë si gjithë të tjerat, di që do vazhdojë edhe gjatë natës, nuk është e përcaktuar sa zgjat. Por një arsye madhore për të protestuar ekziston, faktet janë të qarta, zgjedhjet janë të kërcënuara seriozisht?,- tha ai.

Ndërsa analisti Fatos Lubonja tha se opozita ka dy arsye kryesore për të protestuar, zgjedhjet e lira dhe korrupsionin.

?Nuk mendoj të ketë zgjedhje të lira në këtë situatë kur është kapur ekonomia, kur janë kapur mediat kur janë kapur njerëzit dhe kërcënohen me bukën e gojës. Megjithatë protesta është e vërtetë kur dalin njerëzit, jo kur dalin militantë?,- shtoi ai.





Lajmet e fundit nga