Shtëpizat me ngjyra

9 Janar 2017, 10:30, Lifestyle CNA

Shtëpiza prej druri të madhësive të ndryshme, me dizajne të larmishme, ngjyra të gëzueshme dhe mbi të gjitha, shumë funksionale, sepse mund të përdoren si mbajtëse çelësash, vere, librash, cd-sh apo këpucësh. Ato mund të të ndihmojnë në interierin e një ambienti, por mund të jenë dhe një dhuratë e zgjedhur për dikë. Një nga prodhimet më interesante të artizanatit shqiptar, që ka gjetur treg edhe përtej kufijve. Prandaj mos u habisni nëse një ditë shikoni ndonjërën prej këtyre shtëpizave në vitrinat e një dyqani në Milano, Romë apo Bolonja. Frymëzuar nga vilat e thjeshta të fshatit, me dekor floreal, aksesorët e realizuar me mjeshtri nga zdrukthëtarët dhe dekoruar me finesë nga piktorët e kryeqytetit do t?ju çojnë sakaq në fshatrat e bukura mesdhetare greke, italiane e franceze. Dhe meqenëse kodi i pranverës është ?kolor?, ja sugjerimi i LIVING për të sjellë ngjyrat në shtëpi…

Shqipëria mahnit italianët me shtëpizat prej druri

Në verën e vitit 1998 Shpëtimi dërgoi sasinë e parë të shtëpizave në Peruxhia të Italisë, ku puna e artistëve shqiptarë u pëlqye shumë. Më pas ai mori vesh rastësisht për një panair artizanati në Milano në fillim të dhjetorit, e gjeti mundësinë të merrte pjesë dhe aty. ?Ishte një përvojë unike?, kujton. ?Gabimisht organizatorët na dërguan në një pavijon gastronomie, ku njerëzit vinin për të blerë ose ngrënë diçka karakteristike nga trevat e ndryshme të Italisë. Kalonin pranë nesh, thoshin ndonjë fjalë të mirë, por pa ndaluar. U krijua një situatë e nderë, e cila vazhdoi për katër ditët e para të panairit, gjatë të cilave shitëm gjithsej katër shtëpiza. Vendosa që me t?u kthyer në Shqipëri ta lija këtë punë, se nuk po dukej që kishte ndonjë interes të madh. Por pikërisht në atë moment një drejtues i panairit na kërkon të falur dhe na thotë se ishte bërë një gabim e se ne duhet të zhvendoseshim në pavijonin EUROPA, ku na priste prej katër ditësh një stendë bosh me emrin ALBANIA. Vendosëm ta provonim këtë ?fat? të ri dhe ja ku ndodhi përmbysja e madhe: në pesë ditët e mbetura të panairit u shit gjithçka?.

Ky ishte konfirmimi se shtëpizat vlenin… Pjesëmarrjet në panaire vazhduan, pasi ishin frytdhënëse në shumë pikëpamje. Në Itali ke mundësi të shesësh në qytete të mëdha si Milano. Kjo është diçka me leverdi sidomos në periudha festash të rëndësishme, si Krishtlindja, pasi krijon kontakte me njerëz të profileve të ndryshme. Përpos kësaj panairet shërbejnë për të verifikuar modelet e dizajnit e për të dëgjuar sugjerimet e klientëve për produkte të reja. ?Në një panair të tillë je mes të barabartësh, në një garë ku vendos gjithnjë klienti se çfarë i pëlqen. Kemi krijuar miqësi me mijëra italianë që kthehen çdo vit, një pjesë për të blerë sërish e të tjerët thjesht për t?u përshëndetur?, thotë Basha. Në vitin 2001 ndodhi diçka interesante…

Në një artikull të ?Corriere della Sera?-s përmendeshin shtëpizat shqiptare si një nga risitë e produktet më të bukura në një panair me 1600 ekspozues nga e gjithë bota. ?Gjatë këtyre viteve kemi marrë pjesë në shumë panaire në Itali; kur qëllon të kthehemi në të njëjtin pas disa vitesh, sa shohin shtëpizat fillojnë komentet: shtëpizat shqiptare, shtëpizat e Bashës. Është kënaqësi të shikosh në vitrinat e një dyqani në Milano, Rimini apo Bolonja prodhimet e realizuara nga duart e tua?, thotë Shpëtimi. ?Por është gjithaq kënaqësi ta shikosh shtëpizën tënde mbi oxhakun e një lokali fshati në Surel të Tiranës. Është aty si për të të thënë se e bukura ia gjen kudo vendin vetes?. Falë faqes në internet (www.artcrafthouse.com) shtëpizat kanë tërhequr dhe vëmendjen e vendeve të tjera evropiane, përveç Italisë. Kjo do të thotë më shumë piktorë e zdrukthëtarë të punësuar, prandaj ky fakt nuk duhet nënvlerësuar.