web counter
LEXO PA REKLAMA!

SHKARKO APP

App Store
Google Play

Ministria e Mirëqëniës Sociale dhe Rinisë/ Blendi Klosi prezanton planin për LGBTI në Shqipëri

21 Tetor 2016, 11:19, Aktualitet CNA

Ministri i Mirëqenies Sociale dhe Rinisë, z. Blendi Klosi ka marrë pjesë në lançimin e Planit Kombëtar të LGBTI  në Shqipëri.

Vizioni kryesor i këtij plani ishte një  shoqëri që lufton diskriminimin për shkak të orientimit seksual dhe  siguron garantimin e të drejtave të barabarta.

Ministri Klosi vuri theksin tek përparimi që është bërë në vend për njohjen e të drejtave të personave LGBTI, për përfshirjen e tyre në jetën dhe shoqërinë shqiptare. “Ka një ndryshim të madh pasi vetëm pak vite më parë komuniteti LGBTI nuk njihej fare në vend, e jo më të flitej për të drejtat e tyre” – tha ministri Klosi.

Tani ka një dokument të rëndësishëm miratuar pak kohë më parë nga qeveria Plani Kombëtar për personat  LGBTI, pjësë e dokumentit të përfshirjes që u lançua sot.

“Theksoj angazhimin solemn të Ministrisë së Mirëqenies Sociale dhe Rinisë për mbrojtjen dhe garantimin e të drejtave të personave LGBTI duke i konsideruar si të drejta të njeriut, lirinë për të jetuar një jetë normale” – deklaroi ministri Klosi.

Përfaqësuesja e lartë e Këshillit të Evropës për Dinjitetin E Njeriut dhe Barazinë Maria Routanen deklaroi në këtë tryezë se ajo që personat LGBTI kërkojnë nuk janë të drejta ekstra, por të drejta normale për të jetuar një jetë normale.





Lajmet e fundit nga