web counter
LEXO PA REKLAMA!

SHKARKO APP

App Store
Google Play

E fundit!

x

Meta i pakënaqur me zgjedhjet dhe nga ky parlament/ Ja sygjerimet e tij

14 Tetor 2016, 12:02, Aktualitet CNA

Kryetari i Kuvendit, Ilir Meta mori pjesë në seminarin me temë ?Forcimi i pavarësisë së organeve të menaxhimit zgjedhor; Shkëmbimi i përvojave mes Shqipërisë dhe Sllovenisë?.

Të pranishëm në këtë aktivitet të organizuar nga Komisioni Qendror i Zgjedhjeve ishin Kryetarja e KQZ-së, Lefterije Luzi, Ambasadorja e Sllovenisë, Lea Stancic, Drejtori i Komisionit Shtetëror i Zgjedhjeve në Slloveni, Dusan Vucko, ekspertë të çështjeve zgjedhore, përfaqësues të shoqërisë civile, etj.

Në fjalën përshëndetëse gjatë këtij aktiviteti, Meta vlerësoi organizimin e kësaj tryeze në këtë moment të rëndësishëm, duke marrë në konsideratë sfidën e organizimit të zgjedhjeve të ardhshme në vendin tonë.

Ai u shpreh se pavarësisht progresit të bërë në vite nga Shqipëria, pritshmëritë e qytetarëve janë në rritje sa i takon cilësisë dhe besueshmërisë e zgjedhjeve të ardhshme.

Kryetari i Kuvendit theksoi se disa sfida imediate lidhen ngushtë me administrimin dhe transparencë e proceseve zgjedhore, me stabilitetin dhe cilësinë e legjislacionit zgjedhor.

?Lidhen me mënyrën si përmbushen rekomandimet OSBE/ODHIR, me të drejtën e ushtrimit të votës së emigrantëve tanë. Me transparencën e financimit të fushatave zgjedhore, por edhe të vetë partive politike me zhvillimin dhe përdorimin e teknologjive të reja që garantojnë transparencën dhe integritetin e proceseve administruese zgjedhore, por njëkohësisht për fat të keq kemi ende për t?i dhënë një zgjidhje përfundimtare disa fenomeneve, të cilat edhe pse nuk janë dominuese, ekzistojnë dhe për fat të keq më pas dominojnë debatin për cilësinë e zgjedhjeve, të cilat kanë të bëjnë me penalizmin maksimal të gjithë atyre që tentojnë blerjen e votës. Penalizmin maksimal të gjithë atyre që përpiqen të sigurojnë fotografimin e votës si një mjet për të kontrolluar vullnetin e votuesit; penalizmin maksimal të gjithë atyre që tentojnë kontrollin e votës bazuar mbi presionet e ndryshme që nga ato të përfshirjes së padrejtë e të palejueshme të administratës publike, që nga përpjekja për të shantazhuar me mbajtjen apo fitimin e një vendi pune apo akoma më keq me shantazhe të ndryshme të administratës publike ndaj votuesve apo ndaj punëdhënësve të ndryshëm?, tha Meta.

Ndërkaq, Kryetari i Kuvendit nënvizoi se këto sfida e shtojnë domosdoshmërinë e ndërtimit të një sistemi zgjedhor të besueshëm, transparent dhe përfaqësues, teksa sipas tij vitet e fundit Parlamenti nuk ka reflektuar atë cilësi përfaqësimi politike dhe intelektuale.

?Nuk ka reflektuar atë urtësi, tolerancë dhe kulturë politike që mbart dhe meriton në tërësi shoqëria dhe populli ynë sot mbas 26 vitesh eksperiencë. Jam i bindur se kjo ardhur si pasojë e mungesave të defekteve serioze në Kodin tonë Zgjedhor, i cili duhet t?i reflektojë pa vonesa ndryshimet e nevojshme sipas rekomandimeve të OSBE/ODIHR, por njëkohësisht edhe të shoqërisë civile që merret me zgjedhjet. Në cilësinë e Kryetarit të Kuvendit, kam mbështetur që prej fillimit dhe kërkoj përshpejtimin e punës së Komisionit të Posaçëm Parlamentar për Reformën Zgjedhore dhe për këtë i kemi kërkuar zyrtarisht Misionit ODIHR dhe Komisionit të Venecias që të ofrojnë kontributin e tyre për zbatimin e rekomandimeve të OSBE/ODIHR për dy zgjedhjet e fundit në vendit tonë. Pra, ato parlamentare të 2013-së dhe vendore të 2015-s?, – vijoi z. Meta, ndërsa bëri apel që komisioni të përfundojë sa më parë dhe në mënyrë sa më të besueshme dhe cilësore punën e tij të orientuar prej rekomandimeve të OSBE/ODIHR-it dhe të shoqërisë civile për zgjedhjet në Shqipëri, duke shfrytëzuar idetë, përvojat dhe praktikat më të mira që ekzistojnë.

?Koha që kemi në dispozicion është e shkurtër, por besoj se është ende e mjaftueshme, sepse problemet dihen. Instrumentet që mund të përdoren për zgjidhjen me konsensus dhe transparencë të tyre janë gjithashtu të ditur dhe për shkak të përvojave tona dhe partnerëve tanë, ashtu sikurse është e rëndësishme që të evitohen ndryshimet e pamenduara të minutës së fundit që vetëm shtojnë kontestimet e proceseve të ardhshme. Mbarëvajtja e zgjedhjeve të ardhshme, të qershorit 2017, nuk është thjesht një domosdoshmëri për konsolidimin e stabilitetit institucional në vend, por është shumë e rëndësishme për të forcuar legjitimitetin e institucioneve të ardhshme, duke filluar nga Kuvendi i ardhshëm dhe të gjithë institucionet qeverisëse, që do të kenë mbi supe një barrë mjaft të rëndësishme, atë të avancimit të vendit drejt bisedimeve për anëtarësim në Bashkimin Evropian?, – shtoi z. Meta.

Gjithashtu, Kryetari i Kuvendit u bëri apel partive të respektojnë në mënyrë të qartë, pa ekuivokë procesin e dekriminalizimit, sepse ky është mjaft i rëndësishëm për të krijuar një klimë sa më të përgjegjshme në raport me qytetarët shqiptarë dhe sa më të denjë për zgjedhjet e merituara, që atyre u kanë munguar për një kohë mjaft të gjatë.





Lajmet e fundit nga