web counter
LEXO PA REKLAMA!

SHKARKO APP

App Store
Google Play

E fundit!

x

Kultivuesit e drogës konkurojnë buxhetin e shtetit/ Sa kushtojnë 2.5 milionë rrënjë kanabis të shkatërruara nga policia?

7 Tetor 2016, 11:05, Aktualitet CNA

Mediat në mënyrë të vazhdueshme kanë raportuar informacionet zyrtare të policisë së shtetit në lidhje me drogën e shkatërruar gjatë operacioneve të saj anekënd Shqipërisë.

Në një dalje publike të Drejtorit të Përgjithshëm të Policisë së Shtetit Haki Çako së bashku me përfaqësuesit e Guardia di Finanza me rastin e mbylljes së fluturimeve me avionë të posatçëm në Shqipëri, Drejtori i Përgjithshëm i Policisë së Shtetit Haki Çako bëri zyrtare shifrën me 2.5 milionë rrënjë kanabis sativa të shkatërruara gjatë këtij viti nga forcat e Policisë së Shtetit në bashkëpunim me Guardia di Financa.

Shifra e dhënë nga zoti Çako shpesh është kontestuar nga opozita, por ajo shifër në fakt vërteton akuzat e kësaj të fundit se Shqipëria ishte kanabizuar. Ky kanabizim i ka kushtuar shtetit shqiptar disa miliona dollarë shpenzime për shkak të mijëra policëve, qindra mjeteve, energji dhe karburant të shpenzuara për shkatërrimin e kanabisit në 2 mijë parcela që fillonin nga më të voglat deri tek plantacionet.

Por le të bëjmë një llogari të thjeshtë se sa është çmimi, apo të themi më qartë kostoja totale e kanabisit të shkatërruar nga policia, pa përfshirë këtu edhe kostot e ardhura nga buxheti i shtetit për shkatërrimin e lëndës narkotike.

Rezulton se janë shkatërruar afro 2.5 milionë rrënjë në terren, të cilat japin një sasi nga 800 gr në 1.2 kg. Kjo është sasia që jep një rrënjë kanabis. Pra kemi 2.5 milionë kg, 2.500 tonë drogë.

Një sasi e tillë droge ka një vlerë në treg që fillon nga 400 euro kg tek prodhuesi, në 1500 euro në Greqi apo 2000 euro në Itali.

Në Shqipëri kjo sasi droge e sekuestruar, pra 2.5 milionë e shumëzuar me 400 euro kg rezulton me vlerën 1 miliardë euro.

Në Greqi kjo sasi do të kushtonte 3 miliardë e 750 milionë euro.

Në Itali kjo sasi droge do të vlente 5 miliardë euro.

Sasia e drogës së korrur krahasuar me shifrat e buxhetit të shtetit është sa 30% e tij, pra droga e shkatërruar është 30% e buxhetit faktik të Shqipërisë. Shuma në fakt është 50% më e lartë se sa vlera e borxhit që kryeministri Rama pretendon se ish-kryeministri Berisha ia kishte lënë pa shlyer bizneseve. Të gjithë këto shifra e llogari janë për sasinë e shkatërruar nga policia, jo për realen atë që i ka shpëtuar policisë, atë që është korrur, bimëve që iu është hequr boçja e kështu me rradhë.

Duke vlerësuar faktin se sasia e drogës së mbjellë në vend mund të ketë qenë 2 apo 3 herë më e madhe, kjo edhe për llojin e bimës, që jepte prodhim nga 30-45 ditë, sipas drejtorit të Përgjithshëm të Policisë, në një përllogaritje të thjeshtë rezulton se Shqipëria ka patur kanabis aq sa ç?kemi buxhetin faktik të shtetit, pra droga ka konkuruar shtetin. Trafikantët e droggës kanë patur në dorë po aq para sa ka qeveria shqiptare për të investuar në arsim, shëndetësi infrastrukturë etj.

Një pjesë e kësaj sasie tashmë është shkatërruar, por një potencial i fortë financiar ngelet në duart e trafikantëve të krimit  dhe drogës të cilët duke patur në duar të ardhura të tilla mund të korruptojnë dhe të inkriminojnë nivele të ndryshme të shtetit, nga policët tek deputetët, apo ministrat, deri tek kryeministri. /Citynews.al





Lajmet e fundit nga