E fundit!

12:23 Aktualitet

Përshkallëzohen tensionet në protestë/ Forcat e FNSH-së mbërrijnë para Kuvendit

Ka tensione dhe përplasje mes qytetarëve dhe forcave të po...

Shqipëria në luftë nëse sulmohet një nga shtetet e NATO-s

7 Tetor 2016, 06:57, Aktualitet CNA

Nëse një nga shtetet anëtare të NATO do të sulmohet, Shqipëria do të hyjë në luftë. Për masat e ndërmarra ndaj çdo sulmi do të njoftohet Këshilli i Sigurimit. Sipas te perditshmes Sot, Shqipëria, si pjesë e NATO, vihet në lëvizje në kuadrin e vetëmbrojtjes edhe kur cenohet një shtet tjetër partner i Aleancës. Ndryshimet e reja janë parashikuar në projektligjin ?Për disa ndryshime dhe shtesa në ligjin nr. 9363, datë 24.3.2005, ?Për mënyrën dhe procedurat e vendosjes dhe kalimit të forcave ushtarake të huaja në territorin e Republikës së Shqipërisë, si dhe për dërgimin e forcave ushtarake shqiptare jashtë vendit?, të ndryshuar?.

Pra, sipas ligjit të ri, palët bien dakord se një sulm i armatosur kundër një apo më shumë prej tyre në Evropë apo në Amerikën e Veriut do të quhet si sulm kundër të gjitha atyre dhe si pasojë bien dakord që, nëse ndodh një sulm i tillë, secila nga ato, në ushtrim të së drejtës së vetëmbrojtjes kolektive apo individuale të njohur nga neni 51 i Kartës së Kombeve të Bashkuara, do të ndihmojë palën apo palët e sulmuara në këtë mënyrë duke ndërmarrë menjëherë, individualisht dhe në bashkërendim me palët e tjera, ato veprime që i vlerëson si të nevojshme, përfshirë këtu përdorimin e forcave të armatosura, për të rivendosur dhe ruajtur sigurinë në zonën e Atlantikut të Veriut. Masat e marra si rrjedhojë e çdo sulmi do t?i njoftohen menjëherë Këshillit të Sigurimit dhe do të përfundojnë kur Këshilli i Sigurimit të ketë marrë masat e nevojshme për të rivendosur dhe ruajtur paqen dhe sigurinë ndërkombëtare. Gjithashtu, në ligjin e ri, është parashikuar që autoriteti kompetent shqiptar për drejtimin dhe komandimin e Forcave të Armatosura të Republikës së Shqipërisë (sipas ligjit nr.64/2014), për qëllime të bashkëpunimit ushtarak ndërkombëtar, mund t’i transferojë pjesë të autoritetit të vetë komandantit ushtarak të strukturave të Traktatit të Atlantikut të Veriut, të një shteti të huaj ose një organizate ndërkombëtare. /Citynews.al