web counter
LEXO PA REKLAMA!

SHKARKO APP

App Store
Google Play

E fundit!

x

Shkodër/ Vihet në pranga vrasësi i 47 vjeçarit

7 Tetor 2016, 07:28, Aktualitet CNA

Policia e Shkodrës ka arrestuar vrasësin e 47 vjeçarit që u vra dje me plumb në ballë në Vaun e Dejës. Ai është 21-vjeçarin, Jozef Mujeci, i dyshuar për vrasjen e Genc Mhillajt 47-vjeç.

Policia e Shkodrës bën të ditur se 21 vjeçari u kap në fshatin Gruemirë në Malësi të Madhe, në një banesë të braktisur. Mujeci akuzohet për vrasje me paramendim.

Ngjarja ndodhi ditën e djeshme më 6 tetor rreth orës 11.00 të se enjtes, në fshatin Mal i Jushit, bashkia Vau Dejës.

Viktima Genc Mhillaj (Pjetri) nga Torovica, u qëllua me armë zjarri dhe ndërroi jetë rrugës për në spital.

Burime policore bëjnë me dije se Mhillaj ka qenë duke drejtuar automjetin tip kamionçinë me targa AA 609 IV, i cili ishte i ngarkuar me miell dhe misër, ndërsa pasagjer me të ndodhej edhe i dyshuari për vrasjen.

Me të mbërritur në zonën e Malit të Jushit, aty ku viktima kishte marrë prej kohësh një tokë me qera në të cilën punonte, ai është konfliktuar me personin që kishte në automjet.

Në sherr e sipër ai ka ndaluar duke braktisur mjetin dhe është larguar me shpejtësi drejt arës, por autori e ka ndjekur duke e qëlluar për vdekje.

Plumbi mësohet se e ka prekur në ballë viktimën, ndërsa policia u lajmërua nga banorët e zonës.

Ndërkohë zyrtarisht policia thotë se motivi i kësaj ngjarje është një konflikt i ndodhur para 2 ditësh në fshatin Torovicë, ku viktima e ka e ka vazhduar konfliktin edhe fizikisht. /Citynews.al

 





Lajmet e fundit nga