E fundit!

12:23 Aktualitet

Përshkallëzohen tensionet në protestë/ Forcat e FNSH-së mbërrijnë para Kuvendit

Ka tensione dhe përplasje mes qytetarëve dhe forcave të po...

Koka: Po përballemi me mbetjet/ 80% e Shqipërisë do të ketë realitet tjetër për 4 vjet

7 Tetor 2016, 12:24, Aktualitet CNA

Ministri i Mjedisit, Lefter Koka ka mirëkuptuar protestat e shoqërisë civile për mbetjet, ndërsa theksoi se situata në bregdetin shqiptar nga Lezha deri në Vlorë është situatë e rënduar, për shkak të mbetjeve të ceofonit. Koka tha se në 25 vite mbeturinat janë hedhur nëpër lumenj, ndërsa po punohet intensivisht për landfilldet ku shumë bashki të vendit do të mund të përfitojnë nëpërmjet ricilikimit të mbetjeve.

?Reagimin e shoqërisë civile e kam mirëkuptuar dhe e quaj të drejtë. Ata janë të rënduar nga situata e trashëguar dhe jo nga ajo çka ne po bëjmë sot. Të gjithë e dimë që kishte 380 komuna dhe mbi 100 prej tyre nuk kishin as fusha depozitimi dhe fushat e tyre ishin shtretërit e lumenjve, dhe përfundimi deti Adriatik. Bëhet fjalë për një ligj që deri në vitin 2010 nuk ka ekzistuar. Industria është ndërtuar që në vitin 1992 dhe përgjatë gjithë kësaj periudhe të gjithë së bashku kemi heshtur. Jemi përballur me të vërtetë. Nëse do ta shihnim veten transitor në politikë, sigurisht mund të bënim të njëjtën gjë si paraardhësit. Mbetjet do të ishin atje, njerëzit do të ishin këtu. Kërkuam të përballemi.

Në rastin në fjalë, qeveria shqiptare dhe bashkitë e konsiderojnë industrinë e riciklimit partnerë. Më vjen shumë keq, që qoftë nga një pjesë e ligjvënësve shqiptarë, qoftë nga një pjesë e shoqërisë shqiptare nuk ka gjetur përkrahjen e duhur?, tha ministry Koka.

Ministri i Mjedisit deklaroi se shumë shpejt pjesa më e madhe e Shqipërisë do të trajtojë mbetjet, përfshirë qytetet e mëdha si Elbasani, Tirana, Vlora, Fieri dhe Korça.

?Ne sot kemi investuar as sa nuk janë investuar në 25 vite. Të mendosh në një vit e gjysmë të ndërtosh një landfilld në Elbasan, ku shumë shpejt do të mbarojë edhe djegësi termik, ku bashkia do të kthehet në një aktivitet fitimprurës. Shumë shpejt në Fier, Tiranë, në Vlorë, në Korçë. Në 4 vite thuajse 80% e Shqipërisë do të ketë realitet krejt tjetër?, tha ministri i Mjedisit.

Ministri duke iu drejtuar kompanive të riciklimit tha se përdorimi i mbetjeve të riciklueshme në vend ka kosto më të ulët./ Citynews.al