E fundit!

11:52 Aktualitet

Begaj, në homazhet për efektivin e vrarë/ Familjarët i kërkojnë llogari: Po na vrisni, bëhuni të zotë

Presidenti Bajram Begaj ka marrë pjesë në homazhet në nder...

Dervishaj: Rruga e Arbrit, nis puna në pranverë, financimi publik-privat

7 Tetor 2016, 13:36, Aktualitet CNA

Ministri i Transportit dhe Infrastrukturës Sokol Dervishaj ndërsa ka inspektuar kantierin e punimeve për projektin ?Kanalizimet e Tiranës së Madhe?, ka dhënë garancinë për fillimet e punimeve të Rrugës së Arbrit pranverën e vitit që vjen.

?Për Rrugën e Arbrit jemi në fazën e gjetjes së mënyres së financimit. Por ju siguroj se në pranverën e 2017 fillojnë punimet. Po shikojmë mundësinë PPP për të pasur kosto sa më të ulëta. Por duke përfshire edhe kompanitë vendase në forma të tilla bashkëpunimi, kjo çështje do të zgjidhet shumë shpejt?, tha Dervishaj.

Nga ana tjetër lidhur me një tjetër rrugë, tenderin e Rrugës së Kombit, Dervishaj deklaroi se do të ndjekë të gjithë procedurat ligjore.

?Ka pasur disa vonesa projekti, por e rëndësishme të shikojmë përpara dhe të kapim afatet. Pas kësaj faze duam të vazhdojmë bashkëpunimin me qeverinë japoneze për fazën e dytë. Ky projekt do të sjellë shërbim cilësor ndaj qytetarëve. Ky projekt ka impakt social për banorët e zonës. Duhet të kapim kohën e humbur dhe ta përfundojme sipas afatit, në 2018. Nga ky projekt përfitojne 342 mijë qytetarë?, theksoi Dervishaj.

Në këtë inspektim ishte i pranishëm edhe Presidenti i Agjensisë Japoneze të Bashkëpunimit (JICA), Shinichi Kitaoka, që ndodhet për një vizitë disa ditore në vend.

Ministri Dervishaj falenderoi Qeverinë Japoneze dhe Agjensinë ?JICA?, për financimin e këtij projekti që përmban risi teknologjike dhe do i shërbejë 342 mijë banorëve të Tiranës.

Ministri deklaroi se deri në këtë fazë është implementuar në terren 40 % e projektit, por aspekti më i rëndësishëm nuk janë vetëm punimet inxhinjerike, por edhe teknologjia që do të përdoret për zbatueshmërinë dhe funksionimin e tij.

Në këtë kantier po punohet me një teknologji jashtëzakonisht të lartë japoneze, që ka parasysh jo vetëm zbatueshmërinë e projektit, por edhe komponentë të tjerë si komponeti mjedisor apo social për banorët e zonës, që të gjitha sëbashku shkojnë në harmoni, tha Dervishaj. /Citynews.al