web counter
LEXO PA REKLAMA!

SHKARKO APP

App Store
Google Play

Vlorë - Sekuestrohen 2000 rrënjë kanabis në tharje, 5250 të mbjella/ Arrestohen 6 persona

5 Tetor 2016, 09:42, Aktualitet CNA

Një operacion i përbashkët i Policisë së Vlorës në bashkëpunim me Krimet e Rënda Tiranë dhe FNSH Fier ka  sekuestruar 2000 rrënjë kanabis në proces tharje në 6 kasolle dhe 5250 rrënjë kanabis të mbjella në lugina e ona të thella. Policia e Vlorës konfirmon përmes një deklarate për shtyp se janë arrestuar 6 shtetas.

Operacioni u krye midis  midis fshatrave Vezhdanisht dhe Treblovë ku janë konstatuar 6 kasolle brenda të cilave janë gjetur rreth 2000 bimë narkotike në proces tharjeje si dhe rreth 5250 rrënjë bimë narkotike Cannabis Sattiva, të mbjella në lugina dhe zona të thella rreth 2 orë larg qendrave të banuara. Tw arrestuarit janw Shkëlqim Koçiaj, 24 vjeç, banues në fshatin Dushkarak, Vlorë, Arjan Hasanaj, 43 vjeç, banues në Vlorë,  Klajdi Imeri, 21 vjeç, banuese në Vlorë, Taulant Haxhiraj, 35 vjeç, banues në Vlorë, Albert Aliaj, 53 vjeç, banues në fshatin Drizar, Mallakastër, Xh.B., 18 vjeç, banues në Vlorë. Për Shkëlqim Koçiajn dhe Taulant Haxhiraj ka pasur vendim për masë ?arresti me burg?

Për Xhovalin Baçon, Klajdi Imerin, dhe Arjan Hasanin ka pasur urdhër ndalimi nga prokuroria. Albert Aliaj u arrestua në flagrancë

Operacioni u ndërmor dje nga Policia e Vlorës në bashkëpunim me Prokurorinë e Krimeve të Rënda Tiranë e  Grupet e FNSH Fier

Policia ka bërë kapjen dhe arrestimin në flagrancë të shtetasve të mësipërm për veprat penale ?Kultivimi i bimëve narkotike? dhe ?Grupi i strukturuar kriminal?.

U sekuestruan gjithashtu në cilësinë e provës materiale: 2 armë zjarri të llojit ?automatik?, 1 armë zjarri e llojit ?pushkë?, 2 krëhëra me 60 fishekë të kalibrit 7.62 mm, veshje dhe sende të tjera të cilat shërbejnë si provë materiale.

Policia ka bërë asgjësimin e lëndës narkotike nëpërmjet shkuljes, copëtimit dhe djegies me zjarr.

Po punohet për zbulimin dhe kapjen e autorëve të tjerë të implikuar në këtë veprimtari kriminale. /Citynews.al





Lajmet e fundit nga