web counter
LEXO PA REKLAMA!

SHKARKO APP

App Store
Google Play

Reforma zgjedhore/ Shehi: Rama-Basha nuk heqin dorë nga pushteti

5 Tetor 2016, 08:12, Aktualitet CNA

Kryetari i Lëvizjes për Zhvillim Kombëtar, Dashamir Shehi, thotë se mungon vullneti i politikës për të bërë ndryshimet e domosdoshme për të bërë zgjedhje të mira në 2017. Në një intervitë për gazetën ?Sot? Shehi thotë se zgjedhjet e ardhshme nuk janë larg, ndërsa Komisioni për Reformën Zgjedhore është mbledhur vetëm një herë, ku janë bërë edhe propozimet e para. Referuar këtij fakti, Shehi thotë se politika nuk ka vullnet për të bërë ndryshimet e nevojshme, ndërsa thekson se kryetarët e dy partive më të mëdha nuk duan të lëshojnë nga pushteti i tyre.

?Ne kemi edhe 8 muaj deri në zgjedhjet e 2017, dhe gjatë këtyre muajve mund të bëhen shumë gjëra sa i përket ndryshimeve të nevojshme. Nëse nuk ka dëshirë ose vullnet, gjithnjë do të fshihen pas idesë së mungesës së kohës. Kjo ka ndodhur çdo herë kur bëhen ndryshime në Kod. Sa herë bëhen zgjedhje lihet për minutën e fundit të bëhet ndonjë ndryshim sa për zhurmë dhe jo për një proces normal. Ndaj, unë them që ka kohë të mjaftueshme, edhe për kërkesën e opozitës për numërim elektronik. Ajo që unë mendoj se është problem është se palët nuk po tregojnë dëshirën, të paktën të mblidhet komisioni, të shohim çfarë propozimesh kanë të gjithë palët, të fillojë të diskutohet?, tha Shehi.

Shehi flet për aplikimin e listave të hapura dhe sipas tij, më e pakta që mund të bëhet është t?u mundësohet qytetarëve të zgjedhin për njerëzit që do të përbëjnë Parlamentin e ardhshëm.

Lidhur me punën e opozitës për ndryshimet e Kodit Zgjedhor, aleati i PD-së Shehi thotë se nuk bëhet sa duhet. /Citynews.al

 

 





Lajmet e fundit nga