web counter
LEXO PA REKLAMA!

SHKARKO APP

App Store
Google Play

E fundit!

x

Vetingu në Gjykatën Kushtetuese/ Organet e vlerësimit nën kontrollin e qeverisë

5 Tetor 2016, 09:04, Aktualitet CNA

Ankimimi i Partisë Demokratike për Vettingun, i cili pritet të shkojë sot në mesditë në Gjykatën Kushtetuese,  rradhit një sërë aspektesh, të cilat sipas saj bien ndesh me kushtetutën. Partia Demokratike ngre pretendimin se organet e reja të vlerësimit vihen nën mbikëqyrjen e kontrollin e qeverisë.

PD kërkon që të merret mendimi i Komisionit të Venecias për detajet dhe rregullimet shtesë që ligji bën mbi standardet dhe procesin e rivlerësimit.

Sipas PD-se  ligji nr. 84/2016, në mënyrë të përmbledhur, bie ndesh me Kushtetutën, në disa aspekte. Sipas saj ndërhyrja me rol aktiv i institucioneve të treta, të varura apo nën ndikimin e politikës apo pushtetit ekzekutiv, përbën cenim të kompetencës kushtetuese të organeve të rivlerësimit, si dhe rrezik potencial të përfitimit politik nga procesi të mazhorancës aktuale, duke cenuar në këtë mënyrë pavarësinë e pushtetit gjyqësor.

?Ligji ka asgjësuar thelbin dhe frymën e dispozitave kushtetuese, sepse kontrollin dhe hetimin në procesin e rivlerësimit e ka zhvendosur nga organet e krijuara rishtas dhe të konceptuara si organe të pavarura (Komisionerët Publikë, KPK dhe Kolegji i Apelimit), tek organet ekzistuese, jo kushtetuese, të pareformuara dhe të kontrolluara nga Qeveria, sic janë ILDKPKI_, DSIK_, Shkolla e Magjistraturës, Drejtoria e Parandalimit të Pastrimit të Parave dhe Ministria e Brendshme?, ngre shqetësimin PD.

Sipas ankimit të PD-së organet e reja të vettingut vendosen nën mbikëqyrjen dhe kontrollin e Qeverisë, Ligji cenon parimin e barazisë përpara ligjit, si edhe dhunon parimin e sigurisë juridike. PD pretendon se teksti i normave të tij është i paqartë, konfuz dhe në raste të caktuara edhe kontradiktor. Ligji krijon mundësi që në praktikë të ketë ngërc institucional, zvarritje të procesit, konflikte kompetencash. /Citynews.al

 





Lajmet e fundit nga