Një krim në pazarin e Korçës

3 Tetor 2016, 13:06, Aktualitet CNA

Elvi FUNDO

Pazari i Korçës është një nga investimet e Qeverisë Rama, që duhet përshendetur, por pjesërisht. Një zonë e rrënuar u rindërtua, por kostot, cilësia e punimeve dhe abuzimi me fondet i përkasin asaj pjesës tjetër që është përtej fasadave të rikonstrukturara.

Por problemi nuk qëndron vetëm tek punimet me cilësi të dobët, kalldrëmi që në atë shesh edhe kur ishte i vjetër nuk ishte aq i keq, por mund tëe thuhet se ajo ndërhyrje e shpëtoi atë zonë që gati po rrënohej.

Problemi real tashmë nuk qëndron tek puna që ka bërë Bashkia apo qeveria. Përtej politikës mund të vlerësohet hap pozitiv. Problemi qëndron tek pasojat që po vuajnë bizneset, pronarët dhe qiramarrësit në ato dyqane.

Së pari shumë pronarë merrnin qiratë ku 250 apo ku 400 mijë lekë të vjetra, një page e mirë që vinte nga trashëgimia. Dikusht tjetër e përdorte një dyqan shiste mallra dhe fitonte një apo dy rroga duke shlyer edhe qiranë, edhe taksat edhe dritat, ujin e kështu me rradhë.

Prej dy vitesh kjo nuk ndodh më.

Një kohë e gjatë për tu rindërtuar. Bizneset u mbyllën dhe pritën rikonstruksionin. Kjo mbyllje kishte kosto për pronarët dhe qiramarësit, kosto e cila nuk u kërkua asnjëherë për shkak të investimit. Në rast se do shumëzojmë të ardhurat dhe kostot mujore të një dyqani duke i shumëzuar më totalin e bizneseve aty, në dy vite janë shumë më tepër se investimi real. Jo ai në shifra, ku futen dhe ?vjedhjet? dhe përqindjet e niveleve të ndryshme, nga tenderi tek realizimi.

Pra ka një kosto miliona euro të humbura, nga qiratë, tatimet, rrogat, sigurimet, taksat etj etj.

Por kjo nuk mjaftoi Bashkia e Korçës, ka filluar një tjetër sulm kërkon ti detyrojë që të punojnë siç do ajo, të shesin çfarë do ajo, ti hapin kur do ajo, tja japin me qira kur të thotë ajo, e kështu me rradhë.

Një skandal i pa dëgjuar më parë në demokraci. Një abuzim i pastër me ligjin dhe kompetencat e pushtetit vendor. Bashkia padrejtësisht ju heq pronarëve të drejtën e menaxhimit të pronës së tyre. Për këtë ka një zgjidhje.

Që të bëhet siç do bashkia, ajo mund ta shpronësojë pazarin, ta ktheje në pronë të saj dhe ta menaxhojë sipas idesë që ka, por kjo kushton miliona euro dhe Korça ka nevojë për gjera më thelbësore se disa dyqane që të shesin samarë gomerësh në 2016, në mes të një pazari.

Sot pronarët kanë fitim të munguar dhe bashkia nuk flet, por i detyron të paguajnë një taksë speciale si ato që vendosi diktatori Enver Hoxha në ?46. Për fasadën e rregulluar në një dyqan 20 m2, bashkia të ve taksën me të madhe po nuk e përdore, ose do e bësh siç thotë ajo. Këtu pronari sulmohet dy herë. Së pari që nuk bën dot aktivitetin që mendon, se dyti dhe po e la mbyllur do paguajë taksë. Sa e sa dyqane janë mbyllur në Korçë? Sa e sa janë hapur e spaguajnë hiç taksa e kështu me rradhë?

Këto janë politika që Bashkisë ndoshta nuk i sjellin asnjë shqetësim, por në dy vjet po demtojnë me qindra pronarë dhe biznesmenë që ushtronin aktivitet në këtë zonë. Mjafton që dikush ta padisë në gjykatë Bashkinë e Korçës dhe më pas Filos apo kujtdo tjetër do i duheshin buxhetet e disa viteve për të paguar dëmet e shkaktuara.

Veprimet arbitrare në pazarin e Korçës janë shkelje e të drejtave të njeriut. Këtë bësoj e dinë mjaft mirë drejtuesit vendore, por bizneset dhe qytetarët duhet të reagojnë duke kërkuar drejtësi në institucione, deri në Strasburg, për të ndalur përfundimisht pengmarrjen e pronës së tyre./CityNEWS