web counter
LEXO PA REKLAMA!

SHKARKO APP

App Store
Google Play

Policë të kapur në trafik droge/ Tahiri: Nuk krenohem, por policia i kapi

3 Tetor 2016, 10:07, Aktualitet CNA

Ministri i Brendshëm Sajmir Tahiri është përpjekur të dalë nga situata, kur është pyetur se pse nuk ka patur të pezulluar nga drejtues të policisë për drogën, kur ka patur edhe elementë të policisë së shtetit të përfshirë në trafikun e drogës. I pyetur për rastet ku asnjë polic nuk u pezullua, apo arrestua për pistën e drogës në Ishëm apo kapjen e mbi 3 ton droge në Mat, Ministri ka thënë se janë raste nën hetim dhe se ka qenë pikërisht policia ajo që i ka kapur këto raste, megjithëse ai pohon se nuk krenohet me to.

?Hetimet kanë kohën e tyre, po vazhdojnë. E kuptoj edhe nxitimin dhe gabimin për të bërë lajm. Duhet të kuptoni se disa gjëra nuk i themi dot për shkak të hetimit. Është luftë paralele me të gjithë ata që e kanë nxitur trafikun dhe bashkëpunimin si dhe për hetimin dhe zbardhjen. Ka hetime përkatëse për ccështje konkrete në hetim. Kemi bashkëpunim me prokurorinë në këtë aspekt, por ajo që më kënaq është përmasa e punës që kemi bërë deri tani krahasuar me atë që është bërë në të kaluarën. Ne jemi të kënaqur me gjithë cfarë kemi bërë. Të gjitha rastet që përmendët i ka çuar para ligjit me hetim policia. Unë e quaj sukses kapjen e tyre. Nuk ka asgjë për t?u krenuar?, tha ministri Tahiri. /Citynews.al

 

 





Lajmet e fundit nga