web counter
LEXO PA REKLAMA!

SHKARKO APP

App Store
Google Play

Strehimi/ 1 milionë dollarë për 1200 kredi të buta

3 Tetor 2016, 09:20, Aktualitet CNA

Bashkia e Tiranës do të vendosë në dispozicion 1 milionë dollarë për 1200 kredi të buta për strehimin. Lajmin e bën të ditur kreu i bashkisë së Tiranës Erion Veliaj gjatë fjalës në konferencën ?Strehim për të gjithë?.

?Në tetor do të kalojmë planin e ri urbanistik dhe duam që në buxhetin e vitit tjetër të lëmë 1 milion dollar për të zbutur kreditë për familjet e reja për blerjen e apartamenteve duke zbutur 1200 kredi. Sektori bankar do gjenerojë 60 milion euro kredi të buta për blerjen e shtëpive në Tiranë. Sektori i ndërtimit do ketë zhdërvjelltësim dhe kështu hapim vende të reja pune. Ndërtuesit do të duhet të lënë apartamente për banesa sociale për integrimin e kësaj kategorie personash. Nga ana tjetër do vijojmë me kreditë e buta për çiftet e reja në Tiranë. Çështja e strehimit nuk duhet të jetë më problem?, tha Veliaj.

Erion Veliaj ka thënë se strehimi dinjitoz është bileta për të dalë nga varfëria. Veliaj premtoi bonuse për ndërtuesit që ndërtojnë dhe lënë banesa për kategoritë në nevojë.

?Efiçenca e strehimit social është zgjidhja më e mirë. Çështja e strehimit prek 1/3 e zonës urbane. Sfidat për gjenerim urban e infrastrukturë. Po shohim çështjen e strehimit me shumë seriozitet. Një familje që nuk e ka dramën e strehimit ofron shumë më shumë. Synojmë strehim dinjitoz dhe infrastrukturë moderne.Strehimi është paja dhe investimi më i mirë për të dalë nga varfëria. Ne po eksplorojmë disa opsione si marrëdhënia partneritet publik privat. Ne ofrojmë tokë për ndërtim banesash sociale. Dua të theksoj se strehimi dinjitoz është bileta për të dalë nga varfëria. Plani i ri urbanistik që ne do të kalojmë në fund të Tetorit dhe do ia kalojmë këshillit bashkiak është që ndërtuesit dhe zhvilluesit të kenë një bonus mbi zhvillimin e tyre nëse bien dakord të bëjnë një marrëveshje me bashkinë që një përqindje të apartamenteve tia japin bashkisë për fondin e banesave sociale?, tha Veliaj.

Kreu i bashkisë së Tiranës tha se qëllimi është shmangia e getoizimit, me zgjidhjen e këtij problem. /Citynews.al

 





Lajmet e fundit nga