Nishani pret Thaçin në Tiranë

3 Tetor 2016, 08:05, Aktualitet CNA

Presidenti Bujar Nishani i ka uruar mirëseardhjen Presidentit të Kosovës Hashim Thaçi, në një ceremoni shtetërore. Vizita dyditore e paralajmëruar e Presidentit të Kosovës në Shqipëri do të zhvillohet të hënën dhe të martën.

Sipas një axhende të përcaktuar Thaçi do të takohet me krerët e shtetit, homologu i tij Bujar Nishani, kryeparlamentari Ilir Meta, kryeministri Edi Rama, kreu i Partisë Demokratike, Lulzim Basha dhe kryebashkiaku Veliaj.

Gjatë qëndrimit në Shqipëri, presidenti Thaçi pritet të vizitojë edhe familjen e shkrimtarit Dritero Agolli, si dhe të bëjë vizita të tjera nëpër monumente të ndryshme, jo vetëm në Tiranë, por edhe në vende të tjera.

Thaçi pritet të dekorojë shkrimtarin shqiptar, Dritero Agolli, për kontributin e tij në letërsinë shqipe si dhe për angazhimin në shërbim të kauzës së Kosovës.

Presidenti Thaçi do të dekorojë edhe personalite të tjera shqiptare nga fusha e kulturës dhe shkencës për rolin e tyre të veçantë në shërbim të lirisë dhe shtetndërtimit të Kosovës.

Gjithashtu, presidenti Thaçi pritet të vizitojë edhe djemtë e kombëtares së Kosovës në Bushat, të cilët pas disa ditësh do të luajnë me kombëtaren kroate atje. /Citynews.al

Programi i vizitës së Presidentit të Kosovës Hashim Thaçi:

Të hënën (3 tetor), në orën 09:00, presidenti Thaçi do të pritet me ceremoni shtetërore nga Presidenti i Shqipërisë, Bujar Nishani.

Në orën 10:30, dy presidentët do të mbajnë edhe një konferencë të përbashkët për media.

Në orën 11:00, presidenti Thaçi do të pritet nga Kryeministri i Shqipërisë, Edi Rama

Në orën 13:30, do të takohet edhe me Kryetarin e Kuvendit të Shqipërisë, Ilir Meta

Pas takimeve me krerët e shtetit, presidenti Thaçi do të vizitojë familjen e shkrimtarit Dritero Agolli

Në orën 16:30, presidenti Thaçi do të takohet edhe me liderin e Partisë Demokratike të Shqipërisë, Lulzim Basha

Të nesërmen (4 tetor), në orën 09:00, presidenti Thaçi do të vendos kurore lulesh në monumentin ?Nëna Shqipëri?.

Në orën 09:30, në Bashkinë e Tiranës do të takohet me kryebashkiakun Erion Veliaj

Pas këtij takimi, presidenti Thaçi do të vendos gjithashtu kurore lulesh edhe te shtatorja e Adem Jasharit në Tiranë

Rreth orës 13:00, në Bushat të Shkodrës, presidenti Thaçi do t?i vizitojë futbollistët e kombëtares së Kosovës, të cilët po i bëjnë përgatitjet e fundit për ndeshjen me Kroacinë