E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

Plehrat dhe riciklimi…

25 Shtator 2016, 17:47, Aktualitet CNA

Në një fabrikë riciklimi që punon vetëm 2 ditë në javë për shkak të mungesës së lëndës së parë Ministri i Financave Arben Ahmetaj ka sqaruar opinionin publik për ndryshimet e reja ligjore.

Kjo fabrikë e riciklimit të plastikës është një investim prej 4 milionë eurosh, me teknologji gjermane të vitit 2009, e cila punon nën kapacitet. Drejtuesit e saj i thanë Ministrit të Financave se aktualisht punojnë vetëm 25% të 8 orëshit, në ditë.

E gjithë sasia e produktit që del nga kjo fabrikë eksportohet në Greqi, Bullgari, Itali, Kinë, Austri apo Turqi. Është një fabrikë që 100% të produktit e eksporton.

Me ligjin e ri drejtuesit e saj thonë se do të trefishohet numri i punonjësve, por edhe do të rriten eksportet pasi një pjesë të kërkesës dhe të kontratave kjo fabrikë nuk e realizon dot për shkak të mungesës së lëndës së parë.

?Ky produkt futet në industrinë e paketimit të frutave, dhe e shumta shkon në industrinë e tekstileve, prodhojnë fibër, për mbushjen e lodrave për fëmijë,? thotë drejtuesi i fabrikës.

Ai madje ndan edhe një shqetësim që e ka prej disa vitesh ?Pse ata marrin në Shqipëri dhe ne s?marrim dot nga ata? Pse grekët marrin këtu dhe ne nuk marrim dot nga greku. Tani është diçka që nuk e di ku ta vendos veten time, te ata që janë më të zgjuar apo te ata që duan të bëhen më të zgjuar.?

Lidhur me ligjin e ri Ministri Ahmetaj shpjegoi: ?Ligji që ne kaluam para disa ditësh ka ndryshime thelbësore nga ajo që ne frenuam në 2013. Pra, jo depozitim, jo djegie, por lëndë e parë dhe import i kufizuar për ata që prodhojnë, i lidhur me kapacitetet prodhuese. Kemi lidhur importin me nevojat tuaja. Pra jo çdokush mund të importojë. Konsiderohet lëndë e parë për procesin e riciklimit. Do të importojnë vetëm ata që kanë instalacione apo fabrika si kjo të përputhura me kuotat në bazë të kartës teknologjike, pra në bazë të kapacitetit. Në qoftë se të duhen vetëm 30 ton ti nuk mund të importosh dot më shumë se 30 ton.?

Drejtuesi i Fabrikës vuri theksin edhe në faktin se ky cikël prodhimi nuk krijon mbetje: ?Nuk mbetet asgjë. E gjitha largohet për eksport. Edhe gjatë procesit të punës kjo është diçka që nuk ka mbetje.?

Ministri Ahmetaj lajmëroi edhe një vendim qeverie që po përgatitet, i cili i shërben transparencës në dobi të informimit të publikut: ?Ne e kemi kufizuar edhe hyrjen e mbetjeve në 3 pikat doganore, ku realisht shumë shpejt do të kalojmë dhe në një vendim qeverie në përputhje me ligjin ku grupe ambientalistësh, apo njësi ambientalistësh, siç ndodh në të gjithë botën mund të vijnë të certifikojnë importin vetë.? /Citynews.al