web counter
LEXO PA REKLAMA!

SHKARKO APP

App Store
Google Play

E fundit!

x

Nikolla bllokon doktorraturat me ligjin e ri

25 Shtator 2016, 16:27, Aktualitet CNA

Ish-ministri i Arsimit, Myqerem Tafaj, ka bërë të ditur se Miministria e Arsimit dhe Sportit ka krijuar qëllimisht një ngërç për bllokimin e kuotave për doktorraturat, të cilat nuk janë akorduar tre vitet e fundit. Sipas një prononcimi të ish-ministrit të Arsimit Myqerem Tafaj, për gaetën Sot, shanset që doktoraturat të hapen për këtë vit akademik janë shumë të vogla, pasi me ligjin e ri të arsimit të lartë qëllimisht është krijuar një ngërç, pasi sipas ligjit të ri është hequr praktika në vitin e parë të doktoraturës, e cila ekzistonte në ligjin e mëparshëm. Tafaj thotë se sipas ligjit të ri doktorantët futen direkt në disertacion, pra pa praktikën dhe pikërisht këtu qëndron ngërçi.

?Në fakt gjatë këtyre tre viteve nuk është se kuotat për doktoraturat nuk është se kanë qenë të bllokuara, por e vërteta është se ato nuk janë akorduar. Arsyeja ka të bëjë me një ngërç të krijuar artificialisht. Me ligjin e ri është hequr praktika që doktorantët kryenin studimet doktorale, e cila ekzistonte me ligjin e kaluar. Normalisht, VKM-ja për akordimin e kuotave për ciklin e tretë të studimeve duhej të kishte dalë 9 muaj më parë dhe përderisa ajo nuk ka dalë, kjo më bën të besoj se edhe këtë vit nuk do të ketë kuota për universitetet?, thotë Myqerem Tafaj.

Sipas ish-ministrit, ligji i ri për arsimin e lartë nuk ka qenë i hartuar në mënyrën e duhur për një vend si Shqipëria dhe kjo po duket me implementimin e tij në praktikë. ?Ne i kemi bërë publike qëndrimet tona mbi ligjin dhe faktet po tregojnë se ai nuk ka qenë i mirëmenduar. Të gjithë po i shohim si po sorollaten maturantët këtë vit?, thotë Myqerem Tafaj. Ai sqaron më tejduke thënë: ?Normalisht, aktet nënligjore të ligjit për arsimin e lartë duhej të ishin hartuar 9 muaj më parë dhe duket se ka pasur një mungesë serioziteti në këtë drejtim. Normalisht, kjo vë në pikëpyetje zbatimin e ligjit. Gjithsesi, në mungesë të tyre ligji duhet të zbatohet në bazë të akteve ekzistuese, por unë kam dyshime nëse këto akte ekzistojnë. Për këtë arsye kam rezervat e mia në lidhje me zbatimin e ligjit?. /Citynews.al





Lajmet e fundit nga