web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat për vetingun të papranueshme/Jemi shtet sovran 

25 Shtator 2016, 10:58, Aktualitet CNA

Ish-nënkryetari i Partisw Demokratike, Jemin Gjana, ka reaguar ashpwr ndaj ambasadorit amerikan në Tiranë, Donald Lu, pas deklaratave të këtij të fundit për ankimimin e ligjit të vetingut në Gjykatën Kushtetuese.

Dy ditë më parë, ambasadori amerikan deklaroi se vendimi i Partisë Demokratike për të çuar ligjin, që do kalojë në sitë të gjithë trupën e gjyqtarëve dhe prokurorëve, në Gjykatën Kushtetuese, do e bëjë partinë më të madhe opozitare të krijojë besimin se nuk e do reformën në drejtësi dhe mbron gjyqtarët dhe prokurorët e korruptuar prej saj. Kjo deklaratë është vlerësuar e papranueshme dhe non sens nga ish-nënkryetari dhe ish-ministri në kohën e qeverisë ?Berisha?, Jemin Gjana.

Në një prononcim për gazetën SOT, Gjana thekon se kjo deklaratë është presion ndaj Gjykatës Kushtetuese dhe po ashtu cenon sovranitetin e vendit. Gjana thotë se ambasadori nuk di çfarë thotë. ?Po më duket një ambasador që nuk di çfarë thotë, për fat keq! Të kërkosh të ndërtosh akuza mbi një subjekt politik apo jo, sepse Gjykatës Kushtetuese mund të mos i drejtohen vetëm partitë politike. Pse i drejtohet Gjykatës Kushtetuese të vendit nuk do të thotë të mos dish interpretimin e saj se, çfarë është ligji, sovraniteti, shteti ligjor etj. Nuk e di, a i ka të qarta ambasadori këto??, deklaroi drejtuesi i Departamentit për Kontribute Historike në Partinë Demokratike.

Ish-ministri Gjana, thotw se deklarata të tilla janë presion mbi Gjykatën Kushtetuese. ?Është deklaratë e papranueshme në një shtet të së drejtës. A ka një Kushtetutë ky vend?! Çfarë po bën Partia Demokratike? Po i drejtohet Gjykatës Kushtetuese. Pse e bën një deklaratë të tillë, për të bërë presion mbi Gjykatën Kushtetuese?! Ai duhet të shpjegojë pse e bën. Të shpjegojë nëse është në të drejtën e tij që t?i thotë Partisë Demokratike nuk ke të drejtë t?i drejtohesh Gjykatës Kushtetuese, t?u thotë shqiptarëve që nuk keni të drejtë t?i drejtoheni Gjykatës Kushtetuese, t?u thotë se Gjykata Kushtetuese është e kotë, të thotë Kushtetutën e vendit tuaj e keni kotë, apo t?i thotë Gjykatës Kushtetuese se, ?unë po ju them që edhe po kërkuan ata, ju mos e shqyrtoni?! Është non sens ajo që ai deklaron?, u prononcua ish-ministri i Bujqësisë, Jemin Gjana. Ndërkaq, dy ditë më parë ambasadori amerikan, Donald Lu, mbajti një takim me studentë të Gazetarisë, të cilët i drejtuan disa pyetje diplomatit, mes të cilëve edhe për ankimimin e ligjit të vetingut në Gjykatën Kushtetuese dhe për kultivimin e drogës. Kjo duket se është përplasja e radhës mes ambasadës amerikane dhe Partisë Demokratike, në vazhdën e përplasjeve të shpeshta për reformën në drejtësi. /Citynews.al

 





Lajmet e fundit nga