web counter
LEXO PA REKLAMA!

SHKARKO APP

App Store
Google Play

E fundit!

x

PD/ Doganat e Tatimet janë koshere korrupsioni

24 Shtator 2016, 12:45, Aktualitet CNA

Partia Demokratike deklaroi se Tatimet dhe Doganat do mbeten koshere korrupsioni edhe pse i kanë ndryshuar bletët. Reagimi i Partisë Demokratike vjen  pas ndryshimeve që qeveria ka bërë tek këto dy institucione të rëndësishme duke e konsideruar atë thjesht një makiazh pasi vjedhja nuk do ndalet. Gjatë një konference për shtyp, këshilltari ekonomik në selinë blu, Dorian Teliti tha se këto dy institucione janë koshere të evazionit, korrupsionit dhe militantizmit partiak.

?Edi Rama ndryshoi bletët punëtore në Tatime e Dogana por këto institucione mbeten koshere të evazionit korrupsionit  dhe militantizmit partiak, punësimit me listë sipas influencës së ministrave e deputetëve të maxhorancës. Pavarësisht nëse quhen Elisë, Briseida, tatimet dhe doganat janë në dispozicion të klaneve të pushtetit për zgjedhjet elektorale që po vijnë.

Më tej, Teliti e akuzon për korrupsion qeverinë duke bërë me dije se arkës së shtetit i mungojnë 35 milionë dollarë. Madje ai thekson se për ti patur këto dy institucione në kontroll Rama ia ka besuar këshilltarëve të tij.

 ?Vetëm në gusht rreth 35 milionë dollarë i munguan arkës së shtetit duke qenë gropa më e madhe e bërë në një muaj gjatë viteve të fundit. Këto nuk shkojnë për rrugë por përfundojnë në xhepat e qeveritarëve. Vjedhja në dogana e tatime e mban sërish nën kontrollin e tij duke ia besuar këshilltarëve të tij personal. Ndryshimet e Ramës janë thjesht një makiazh, vjedhja nuk ndryshon?, përfundon Teliti. /Citynews.al
 





Lajmet e fundit nga