web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimi i kryeprokurorit/ Vepër e Al Kapones

24 Shtator 2016, 12:15, Aktualitet CNA

Ish-kryetari i Partisë Demokratike, Sali Berisha ka reaguar pas kërcënimit të kryeprokurorit duke e cilësuar këtë akt si vepër të Al Kapones. Berisha thekson se ky është një akt shumë i rëndë kriminal dhe sipas tij, kjo është kryer nga të burgosur që kanë mbështetjen e qeverisë. ?Mediat njoftojnë se Prokurori i Përgjithshëm i vendit është kërcënuar nga bajlozë të krimit, të burgosur, të dënuar apo që presin të dënohen, por që vizitohen pothuaj çdo ditë nga ministra deputetë, neobllokmenë dhe trafikantë në qelitë e tyre. Vetëm lejtnantët e tij, pra bajlozët e krimit të veshur me pushtetin kryeministror si Dritan Dajti apo Mili ose Mali i partisë, Genti i Olsit dhe Hakmarrjes, mund të ndërmarrin vet apo me porosi te tij kërcënimin me jetë te kreut të akuzës së shtetit?, është shprehur Berisha, në rrjetet sociale.

Sipas tij, kjo ngjarje tregon edhe njëherë pasigurinë ekstreme që ka vendi duke akuzuar direkt kryeministrin e vendit për këtë akt kriminal. Më tej, ai iu kërkon organeve kompetente ta gjejnë sa më shpejtë autorin e këtij akti kriminal. ?Hetimi urojmë të gjejë sa më parë autorin e këtij akti të rëndë dhe të pashembullt dhe ta vendosi para ligjit. Duke dënuar me ashpërsinë me të madhe këtë akt kriminal, dëshmi e pasigurisë ekstreme në këtë vend dhe revanshit kulmor të krimit të lidhur me qeverinë, shpreh solidaritetin tim të thellë me prokurorin e përgjithshëm dhe institucionin që ai drejton në luftën kundër krimit si dhe bindjen më të thellë se prapa fallangave të krimit që kanë kryer këtë akt të pashembullt, qendron mbështjetja direkte e kreut të meduzës te krimit te organizuar apo Al Kapones në krye të qeverisë?, përfudnon pronocimin në rrjetet sociale, Sali Berisha. /Citynews.al

 





Lajmet e fundit nga