E fundit!

10:08 Kronika

Tentoi të vriste nënën e bashkëjetueses/ Vihet në pranga 28-vjeçari

Specialistët për Hetimin e Krimeve ndaj Personit në DVP Le...

Rama-Meta fillojnë fushatën/ Basha s’ka parti?

20 Shtator 2016, 09:39, Aktualitet CNA

Kryemnistri i vendit Edi Rama ka filluar fushatën elektorale. Ai nuk po ndalet asnjë ditë. E sheh nga veriu në jug. Në Tamarë në fundjavë, shkon në Pukë, sot në Gramsh e më tej më një axhendë të plotë takime fshat më fshat e qytet më qytet.

Në fshatra strategjia është pastrimi i kanaleve kulluese, vaditja dhe nxitja për të marë kredi. Në qytete Rama do flase për pedonalet dhe Rilindjen e tij Urbane.

Nga ana tjetër kreu i LSI-së dhe Kuvendit Ilir Meta filloi fushatën elektorale duke shpallur zgjedhjet në parti. Me një garë formale, me një kandiat kukull, Meta shfrytëzoi gjithçka që të fillonte takimet e tij në bazë. Në Korçë e Pogradec në fundjave, takime me strukturat, takime me biznesin dhe fermerë. Meta ishte shumë entuziast duke kërkuar me forcë daljen i pari në Pogradec në 2017 dhe fitoren e bashkisë në 2019. Meta ka synim 25-30 mandate deputetësh, shifër nqë e çon në krye të qeverisë.

Dy drejtuesit e mazhorancës socialiste kanë filluar lëvizjet në bazë. Një tjetër forcë politike që ka filluar fushatën është edhe Agron Duka i PAA. Takime në rrethe, qytete e fshatra por edhe me të rinjte. Duka duket plot energji për të krijuar një parti sfiduese në zgjedhjet e ardhshme që mund ti rëmbejë koalicionit me PD te paktën 3 mandate deputetësh.

Ajo që bie në sy është apatia, çorientimi i organizuar i opozitës. PD sapo mbylli një humbje fatale në Dibër, Basha nuk nxiton të shkojë të bëjë një analizë, të nxiren përgjegjësitë dhe të ecë përpara. Kreu demokrat duket se ka një staf apatik dhe të paaftë, që më shumë sesa me organizimin e partisë meren me thashetheme e duan të gjejnë fajtorë e përgjegjës përtej lëkurës të tyre.

PD-ja ka më shumë se 3 vjet që nuk mbyll dot zgjedhjet në parti, ka gati 6 muaj që nuk mbyll dot zgjedhjet në 31 degë të cilat i futi në riorganizim, por që në fakt ju shpartalluan më tej për shkak të një procesi zgjedhor klientelist dhe të kontrrolluar nga segmente pazarxhinjsh në organizimin e PD-së. Mazhoranca ka filluar fushatën, ndërsa opozita vazhdon endë të jetë e traumatizuar nga humbja në Dibër. Basha më shumë frikë ka zërat kritikë, të cilët stani i tij kërkon ti nxjerë armiq, sesa humbjen në zgjedhjet e 2017.

Kreu demokrat sot ka një PD copë e çikë nga jugu në veri, nga lindja në perëndim. PD-ja është e fragmentarizuar, betejat e klaneve nuk ndalen, sharlatanë që veshin petkun e demokratit të ri, sulmojnë dhe sakatojnë PD-në për një post, të tjerë palaço bëjnë beteja për mandate deputeti, të tjerë kllouna futen në sqetullën e socialistëve, duke heshtur dhe e kthyer PD-në në disa zona forcë të tretë.

Kjo është një situatë vërtet alarmante dhe Lulzim Basha, nuk mund të heshtë, kreu demokrat duhet të marë në dorë frerët e PD-së. Korrigjim të menjëhershëm të disa sekretariateve dhe departamenteve jofunksionale, duke mbledhur Këshillin Kombëtar, për të marë vendimet e duhura. Të ndërhyjë që të mbyllen urgjentisht zgjedhjet në degët e shpartalluara të PD. Të mbledhë një raport të plotë analize nga baza dhe të ndërhyjë personalisht në zgjidhjet e problematikave në degë. Të mbledhë strukturat, aty ku ka degë të përçara të komandojë apo emërojë njeriun që është më konsensual dhe i pranueshëm për shumicën. Basha duhet të bashkojë të gjitha rrymat në baze dhe qendër dhe të ndezë motorët elektoralë, në të kundërt disfata është e pashmangshme./ Elvi FUNDO-Citynews