E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Putinizmi, katastrofike për të ardhmen e Shqipërisë

20 Shtator 2016, 06:43, Aktualitet CNA

Analisti Fatos Lubonja foli për rrezikun e putinizmit të sistemit në Shqipëri. Në studion e lajmeve të Ora News, Lubonja shpjegoi se putinizëm do të thotë një sistem ku ka zgjedhje por nuk ka rotacion. Sipas tij Dibra ishte shembulli më i mirë i rrezikut të putinizmit.

?Nuk është deri këtu. Është më keq. Sot kam bërë një shkrim, rreziku i putinizmit ku kam idenë, putinizëm do të thotë një sistem ku ka zgjedhje por nuk ka rotacion. Dhe rreziku është që kjo mazhorancë duke forcuar instrumentat e sundimit, duke degraduar njerëzit në krim dhe bashkëpunim me krimin, mund të sundojë.

Ishte e dukshme në Dibër, se nuk mundesh që brenda një viti të fitosh me aq shumë vota. Në Dibër nuk ka asgjë tjetër përveç se një lloj kompromentimi të njerëzve, pra të mos kemi më rotacion. Një nga faktorët që e mban putinizmin në këmbë është ekonomia. Këta kanë gjetur drogën. Kjo është katastrofike për të ardhmen e Shqipërisë?, theksoi Lubonja.

Duke u ndalur në analizën e tij për shtetin Lubonja tha se koncepti i krijuar për shtetin në Shqipëri është i gabuar për shkak se këtu nuk sundon shteti i së drejtës por partia shtet, ndaj dhe njerëzit shpesh e identifikojnë shtetin me qeverinë në pushtet, partinë në pushtet.

?Kur themi shteti janë dy gjëra që ne i ngatërrojmë. Themi shteti dhe në vend që të kemi parasysh të gjitha ato struktura që janë mbipartiake. Nënkuptojmë mazhorancën e radhës, qeverinë e radhës, dhe ky ngatërrim nuk është i rastësishëm. Në vend që të ndërtohet shteti i së drejtës, ndërtohet shteti i partisë, partia-shtet, që ndërron një herë në 8 vjet, dhe që tani është koalicioni PS-LSI dhe përmendin strukturat kryesore që janë Policia dhe një problem shumë i madh tjetër si Drejtësia që duhet t?i kontrollojë këto?, theksoi Lubonja.

Sipas analstit Lubonja shteti është përgjegjës për kanabizimin e vendit. ?Njëkohësisht është problemi që shteti që ndërhyri për të ndërprerë Lazaratin ka vazhduar këtë lloj fryme që nënkupton që duhet të investonte ndryshe në ekonomi. Edhe nëse themi që shteti nuk ka dorë fare në këtë lloj industrie shteti është fajtor se nuk ka investuar ndrsyhe në kuptimin e politikave për të zhvilluar bujqësinë dhe varfërimi i njerëzve ka bërë që ose të largohen ose të kultivojnë drogën?, tha Lubonja. /Citynews.al