web counter
LEXO PA REKLAMA!

SHKARKO APP

App Store
Google Play

E fundit!

x

FOTO/Hap siparin festa e birrës në Mynih – Oktoberfest 2016

19 Shtator 2016, 16:33, Aktualitet CNA

Oktoberfest 2016 në Mynih zhvillohet sivjet nën masa të forta sigurie nga frika e atentateve të mundshme terroriste.

Një çantë e vogël, ku mund të futen vetëm tre pako qumësht, nuk lejohet të futet në territorin e festës së birrës. Kush mban çantë shpine nuk lejohet të hyjë në tendën e eventit. Megjithatë të gjithë i pranojnë kontrollet dhe duan të shijojnë jo vetëm birrën, por edhe atmosferën e gëzueshme mes miqsh.

Traditë mbi 200 vjeçare dhe biznes

Për herë të parë kjo festë është zhvilluar para 206 vjetësh, por atehërë çdo gjë ishte ndryshe. Në vitin 1810, Princi i kurorës së Bajernit, Ludvig u martua me Princeshën Therese të Saskoni – Hildburghausen-it. Me këtë rast u organizua më 17 tetor një garë e madhe vrapimi me kuaj në një livadh të madh në hyrje të Mynihut.

50 mijë vizitorë festonin të gëzuar duke brohoritur në tetor të vitit 1810 martesën aristokratike. Festa e parë eTetorit, siç u quajt në këtë kohë, ishte një sukses i madh që shpejt u vendos të zhvillohej përsëri vitin e ardhshëm. Në vitin e dytë të kësaj feste, fshatarët bavarezë prezantuan edhe prodhimet e tyre. Për përzgjedhjen e tyre vendosej në panairet blegtorale.

Në fund të shekullit të 19-të fabrikat e birrës në Mynih zbuluan gjatë festës së tetorit, si platformë reklamash dhe si biznes fitmiprurës shtesë, shitjen për një kohë të shkurtër të një sasie të madhe birre.

Lufta e Parë Botërore e ndërpreu këtë festë të përzemërt tradicionale vjetore. Pas fundit të luftës, festat përjetuan kohën më të vështirë nga inflacioni dhe nacionalsocializmi. Megjithatë do të festohej. Edhe në Luftën e Dytë Botërore nuk pati festë të tetorit. Në periudhën e pasluftës fillimisht pati dy festa të vogla vjeshte. Dhe më 1949 u bë një festë e madhe, Oktoberfest – ku njerëzit u veshën me kostume tradicionole kombëtare – burrat me kostume gjuetarësh. Tradita deri sot është që kryetari i bashkisë së Mynihut përmes fjalëve të tij të hap festën. Për herë të parë kjo ka ndodhur në vitin 1950./DW





Lajmet e fundit nga