E fundit!

13:46 Denoncim

Sokol Sadushi, si agjenci imobiliare

Sokol Sadushi, kryetari i Gjykatës së Lartë, është njeriu ...

Kujtimi i të rënëve, përdhoset nga ministri i lidhur me bandat e drogës

19 Shtator 2016, 12:58, Aktualitet CNA

Kryetari i Partisë Demokratike Lulzim Basha në një deklaratë për shtyp tha se policia, burrat dhe gratë në uniformë që luftojnë krimin dhe dëshmorët e rënë në krye të detyrës, nuk kanë nevojë për fasada, për ceremoni, për shfaqje, pasi sipas tij ata respektohen në detyrë nëse luftohet krimi, trafiku dhe droga.

?Burrat dhe gratë në uniformë, të rënët në detyrë, respektohen duke luftuar krimin, duke luftuar trafikantët, duke luftuar drogën.
Trupa e policisë dhe kujtimi i të rënëve, nëpërkëmben e përdhosen cdo ditë nga një ministër i lidhur me bandat e trafikut të drogës në vend, nga një ministër që makinën e tij private e kthen në narkotaksi për Habilajt, nga një ministër që mbajti Shullazin mbi ligjin per 3 vjet derisa ndërhynë partnerët, që negocion privatisht në zyrën e shtetit me vrasës me pagesë, nga një ministër që prish hetimet për trafikantët duke djegur provat në laborator e duke zbuluar hetimet në media per llogari te krimit?, tha Basha.
Kreu i opozitës tha se kujtimi i të rënëve por edhe nderimi për të gjallët nëpërkëmben edhe nga kryeministri Edi Rama. Basha e bëri përgjegjës kreun e qeverisë për futjen e trafikantëve në parlament.

?Trupa e policisë dhe kujtimi i të rënëve, nëpërkëmben e përdhosen cdo ditë nga një kryeministër që futi në parlament trafikantë e tutorë prostitutash, vrasës e njerëz me precedentë penalë. Nga një kryeministër që fshehu urdhërin e ekstradimit për vrasësin e komisar Dritan Lamajt, që i ofroi atij arratinë, shpëtimin nga drejtësia. Nga një kryeministër që mban Eskobarin e Ballkanit, që pasi e ka bërë drejtor të transportit e mbron edhe nga aksioni ndërkombëtar për kapjen e tij. Një kryeministër që ka krijuar kartelin më të rrezikshëm të drogës në Europë që ndërton edhe pista avionësh për narkotrafikun?, theksoi Basha.
Kreu i demokratëve vijoi duke thënë: ?Trupa e policisë dhe kujtimi i të rënëve nëpërkëmben e përdhosen cdo ditë nga Edi Rama që krimin e ka veshur me pushtet e pushtetin e ka veshur me krim. Nderi dhe dinjiteti i policisë, respekti i të rënëve në krye të detyrës në luftë me krimin është sot në duart e shqiptarëve. Shqiptarët kanë në dorë të kthejnë rendin, sigurinë, respektin ndaj policisë, duke hequr krimin nga pushteti. Duke larguar me cdo kusht kartelin e drogës. Policia më mirë pa Edi Ramën. Shqipëria më mirë pa Edi Ramën?. /Citynews.al