web counter
LEXO PA REKLAMA!

SHKARKO APP

App Store
Google Play

E fundit!

x

Marijuana e mirë apo e keqe?

19 Shtator 2016, 11:11, Aktualitet CNA

Fara e Lazaratit dhe ajo vietnameze janë dy nga katër llojet e marijuanës që po kultivohet sot në Shqipëri, por Canabissi ka me dhjetra varietete në familjen e saj.

Citynews ka sjellë dhe dy ditë më parë një informacion mbi marijuanën (kliko ketu) ku flitet për 8 arsye pozitive mbi marijuanën. Por jo të gjitha farat dhe varitetet e saj janë të mira ato kanë ndryshuar nga fillimi i viteve 70 e deri më sot raporton leafscience.com

Sot ka një debat botëror për legalizim e marijuanës, debat i cili erdhi edhe në Shqipëri nga deputeti socialist Koço Kokëdhima. Mjaftuan disa dalje të tij në media, bërja publike e çështjes dhe Shqipëria në pak muaj u kthye në hambar i kanabisit nga jugu në veri. Vetëm sipas raporteve zyrtare të policisë janë gati 2 milionë rrënjë të korrura dhe dhjetra ton të kapura nga policia shqiptare apo ajo e vendeve fqinjë.

Debati

Cilësia, llojet, mënyra e përdorimit, trafikimi janë disa lloj pikash ku sot diskutohet për marijuanën. Atje ku marijuana është e ligjëruar ka qëndrim dhe sjellje ndryshe ndaj saj. Ka edhe faqe zyrtare publike që informojnë mbi dobitë e saj. Në Kolorado të SHBA-ve sipas leafscience.com njerëzit këshillohen me mjekun për llojet dhe përdorimin. Pra dhe aty ku është e legalizuar ka kontroll të rreptë mbi gjithçka që lidhet me marijuanën.

Por a kemi ne në Shqipëri mundësi ta kontrollojmë në rast legalizimi? Kjo pyetje ngrihet nëse ne marrim të mirëqenë legalizimin siç e kërkoi pak kohë me parë ish-deputeti Koço Kokëdhima. Një fjalë e tij mjaftoi që Shqipëri të jetë hambar ku më shumë ka kanabis se grurë.

Përgjigja ndodhet tek disa fakte që flasin negativisht në vazhdimësi për Shqipërinë. Vjedhja e ujit, vjedhja e enegjisë, vjedhja e taksave e shumë vjedhje të tjera nuk kontrrollohen dot nga shteti në gati 25 vite dhe jo më të kontrollohet marijuana që kërkon të legalizojë Kokëdhima dhe e toleroi me mbjellje së fundi qeveria.

Sollëm këto krahasime për të treguar se qëndrimi ndaj legalizimit të mariuanës ka këndvështime të ndryshme. Kjo sipas vendeve dhe demokracisë apo autoritetit të shtetit. Mund të jetë legale në shtete të ndryshme në SHBA apo Hollandë, pork a kontrroll nuk është baçja e Koços apo ndonjë politikani që suporton mbjelljen për përfitime personale.

Kanadaja apo SHBA në shtete si Kolorado e kanë legalizuar atë, por standarti i jetesës dhe kontrollit është i fortë dhe mjaft i rreptë.

A mundet Shqipëria të bëhet Kolorado?

Shtete të ndryshme e kanë të legalizuar, e kultivojnë, por mbi të gjitha e kontrollojnë. Sipas statistikave të dhëna nga leafscience.com Kanada ka mbjellë mbi 60 mijë akra me kanabis aktualisht për ta përdorur në industrinë medicinale. Sipas studimeve mbjellja e tokës i kthen ato në pjellore. Në ndryshim nga duhani që i shkatërron, kjo i pasuron e i bën më pjellore.

Në Kanada kanë bërë një gjetje brilante, por me një farë që i shërben mjekësisë dhe është në kontrollin e autoriteteve. Fara në disa cikle bën tokën e mbjellë të jetë në gjendje optimale që të përdoret për t?u mbjellë me varietete të ndryshme foragjeresh.

Pra për të bërë një mbyllje mund të themi se kanabisi nuk ka vetëm konceptin negativ si rëndom e shohim në Shqipëri.

Në botë sipas studimeve shkencore tashmë është e vërtetuar se ai mund të përdoret në shumë fusha, por sipas një studimi që po praqesim më poshtë farat dhe varietetet e tij nuk janë të njëjta, ka nga ato që janë të këqija por edhe të dëmshme.

Mund të theksojmë se në shumë vende të botës mbjellja e kanabisit është e legalizuar por kontrollohet fort nga shteti, çka do të thotë se organet zyrtare kanë një kontroll mbi territoret, mbi situatën, tregëtimin dhe përdorimin nga popullata.

Ky lloj tolerimi në sasi të mëdha ka bërë që edhe çmimi në këto zona të jetë i ulët dhe të mos ketë trafikim.

Nuk ka fjalë që e përcaktojnë ?edhe i mirë edhe i keq?, por marijuana vlen në shumë fusha por vret dhe kthehet pjesë e krimit kur ajo nuk kontrollohet. /Citynews





Lajmet e fundit nga