web counter
LEXO PA REKLAMA!

SHKARKO APP

App Store
Google Play

Ligji i mbetjeve në komision/ Hafizi: Kërkoj të votoni kundër

20 Shtator 2016, 09:37, Aktualitet CNA

Komisioni i Veprimtarive Prodhuese ka diskutuar në mbledhjen e sotme ligjin për importin e mbetjeve para dërgimit të tij në seancën plenare. Kreu i Komisionit, Eduard Shalsi, njërit prej deputetëve që ka firmosur një propozimin ligjor për kthyer importin e mbetjeve në Shqipëri, tha se projektligji vjen me 6 ndryshime.

?Votimi u shty pasi ishte programuar për në datën 21 korrik, por u shty për shkak të sugjerimeve dhe argumentave për disa ndryshime.Ndërhyrjet mu dukën logjike dhe për këtë vendosëm të pasurojmë draftin?, tha Shalsi.

Ligji i mbetjeve ka hasur në kundërshtinë e hapur të deputetes Mimoza Hafizi, e cila u kërkoi anëtarëve të Komisionit të votojnë kundër këtij projektligji.

?Ju kërkoj të votoni kundër këtë ligj. Kemi 65 mijë firma të qytetarëve që janë kundër. Të gjithë e dimë se sa problematik është ky proçes. Nuk keni rritur asnjë kapacitet monitorimi, pavarësisht pretendimeve tuaja. Institucionet shqiptare nuk janë të afta për kontrolle?, tha Hafizi.

Shalsi në linjën e ndryshimeve tha se është ndalimi i importit të mbetjeve për magazinim dhe djegie.

Ndryshimi i dytë është se do të importohen vetëm mbetje jo te rrezikshme të dedikuara për riciklim.

?Propozuam që importi i mbetjeve të kryet vetëm në dy apo tre pika doganore që plotësojnë kriteret. E drejta e importit do jetë vetëm për ato subjekte të licensuara për riciklim?.

Lidhur me këtë propozim, deputeti demokrat Genc Ruli u shpreh se duhet të rritet kontrolli.

?Riciklimi është i domosdoshëm, por rreziku është që vendi ynë mund të kthehet në vend depozitimi. Për këtë duhet të rritet kontrolli dhe të forcohen ligjet, nuk duhen paragjykime?, tha Ruli. /Citynews.al





Lajmet e fundit nga