web counter
LEXO PA REKLAMA!

SHKARKO APP

App Store
Google Play

E fundit!

x

Kryetares së KQZ-së i mbaron mandati/ Kuvendi shpall vendin vakant

20 Shtator 2016, 06:53, Aktualitet CNA

Kuvendi i Shqipërisë ka shpallur vendin vacant për kryetarin e KQZ-së. Kryetarja e Komisionit Qendror të zgjedhjeve Lefterije Luzi mbyll mandatin në këtë detyrë më 11 tetor.

Në faqen e Kuvendit të Shqipërisë jepet njoftimi për përfundimin e mandatit të kreut aktual të KQZ-së Lefteri Luzi dhe renditen kriteret ligjore që duhet të plotësojnë kandidatët që do të garojnë për këtë post.

Kandidatët për kryetar të KQZ nuk duhet të kenë qenë pjesë të ndonjë partie politike në 5 vitet e fundit; të mos ketë qenë i zgjedhur deputet i Kuvendit në 5 vitet e fundit; dhe të mos ketë qenë pjesëtar në 5 vitet e fundit në Policinë e Shtetit, në Forcat të Armatosura dhe në Shërbimin Informativ Shtetëror. Po ashtu përjashtohen ata kandidatë që janë larguar nga administrata publike apo çdo funksion publik për shkelje të detyrës.

Bashkë me kriteret kandidatët duhet të plotësojnë edhe formularin e vetëdeklarimit. Në mbyllje të afatit të dorëzimit të dokumentacionit më 30 shtator, kandidaturat do të shqyrtohen nga Komisioni i Ligjeve. /Citynews.al

 





Lajmet e fundit nga