Çfarë ka ndryshuar tek Lulzim Basha/ Ja si e shante Metën

18 Korrik 2016, 11:46, Aktualitet CNA

Kreu i Partisë Demokratike Lulzim Basha, ka hequr dorë prej kohësh nga sulmet ndaj kryeparlamentarit, Ilir Meta. Sot, Basha duket se po e shikon Metën si mundësi për të ardhur në pushtet dhe për këtë arsye, prej kohësh, ka ndërprerë sulmet ndaj tij.

Dikur, kreu demokrat thoshte të vërtetën për Metën, duke e akuzuar dhe denoncuar disa nga aferat e tij pas vitit 2013. CEZ -DIA

Në fillimin e qeverisë së re të zgjedhur në vitin 2013, Basha shfaqej mjaft kritik. Ai denoncoi ashpër aferën CEZ-DIA duke akuzuar qeverinë Rama ? Meta, ndërsa gishti i fajtorit drejtohej tek Ilir Meta, për të cilin kreu demokrat deklaronte se është e keqja e vendit së bashku me kryeministrin Rama.

?Është bërë e qartë për këdo dhe nga dëshmitë tronditëse që u transmetuan mbrëmë se pas DIA-s është Ilir Meta. DIA u krijua me shtytjen e Ilir Metës, u fut në kohën kur ishte Ministër i Jashtëm. Dje pamë se si dëshmitari kyç që ka në dorë të shpëtojë këto 135 milionë euro ndonëse i mbrojtur nga policia u kërcënua me jetë. Sepse fundosja e DIA-s merr me vete edhe Ilir Metën. Fijen e parë e ka në dorë, kumbari i parë Edi Rama?, do të shprehej Basha

Një tjetër aksion politik që kreu i PD-së u duk i vendosur në largimin e Metës, ishte çështja e Tom Doshit. Basha tha se kishte mbështetjen e ndërkombëtarëve për të larguar Ilir Metën nga posti i kryeparlamentarit.

?Kemi mbështetjen e ndërkombëtarëve për aksionin politik që opozita ka nisur për largimin e kreut të Kuvendit Ilir Meta, pas akuzave të deputetit Tom Doshi?, tha Basha në atë kohë

Në akuzat e Bashës kundër Metës, të cilat artikuloheshin në drejtëim të dyshes Rama-Meta, thuhej se e kishin zhytur vendin në krizë ekonomike.

?Çfarë mund të ketë më prioritet se alternativat e zgjidhjes së krizës ekonomike ku e ka zhytur Rama – Meta vendin, ofrimin e shanseve për punësim në mënyrë që qytetarët të sigurojnë bukën e fëmijëve të tyre?, shprehej kreu i PD

Në vitin 2014, disa ditë përpara se PD të zhvillonte një protestë, Basha e cilësonte Ramën dhe Metën si persona që kishin kultivuar paligjshmërinë dhe që ishin antikushtetues.

?Ai eshte një marshim kundër paligjshmërisë, antikushtetueshmërisë, dhe t?i kujtojë dyshes Rama-Meta nuk janë sundues të këtij vendi por punonjës të tij?, prononcohej Basha

Më pas, në zgjedhjet lokale të vitit 2015, Basha akuzonte shpesh Metën se kishte shpenzuar miliona euro vetëm për fushatë. Kreu i PD-së theksonte se Rama dhe Meta e kishin mendjen vetëm të mbushin xhepat e tyre dhe se nuk kanë mbajtur asnjë premtim.

?Qeveria Rama-Meta nuk e ka mendjen tek qytetarët, nuk i kanë prioritet hallet dhe problemet e tyre, ata e kanë mendjen vetëm tek pushteti i vet, vetëm tek aferat e veta, vetëm tek xhepat e tyre. Dyshja Rama-Meta s?kanë mbajtur asnjë premtim, prandaj sot bëjnë gjithçka për të mos u ballafaquar me premtimet e tyre?, akuzonte Basha

Deklarata më e fortë që lëshoi Basha si kryetar i PD-së ndaj Metës ishte se nuk do të bënte kurrë koalicion me LSI-në.

?Nën drejtimin tim, PD nuk do të bëjë kurrë koalcion me LSI-në e Ilir Metës?, tha Basha gjatë një interviste

Kreu demokrat akuzonte shpesh herë se Meta ishte po aq përgjegjës sa Rama për të gjithë të këqijat që i ka sjellë qeveria vendit.

?Qeveria Rama-Meta po ja del me sukses të asgjësojë shpresën se e nesërmja do jetë më e mirë. Ekonomi e dobët. E ardhme e pasigurtë. Këto janë fjalët në buzët e çdo shqiptari sot. Kjo është po kështu një thirrje dhe obligim madhor për Partinë Demokratike dhe opozitën? deklaronte Basha

Sot, duket se të gjitha akuzat e Bashës ndaj Metës janë hedhur në kosh. Prej kohësh, objektivi kryesor i akuzave të Bashës ka qenë kryeministri Edi Rama. Në asnjë nga qëndrimet e PD-së dhe akuzave të saj, nuk përmendet emri i Metës apo i LSI-së, edhe pse në të shumtën e rasteve, kanë qenë anëtarët e kësaj force politike që janë përfshirë në hetime, shkarkime apo afera korruptive.

Kreu demokrat pranoi sot qëndrimin e kreut të LSI-së për një qeveri teknike dhe zgjedhje të parakohshme pas 21 korrikut. Ai dha sinjale të forta për një koalicion të mundshëm mes PD-së dhe LSI-së në zgjedhjet e reja parlamentare./citynews