web counter
LEXO PA REKLAMA!

SHKARKO APP

App Store
Google Play

Teza kriminale e Çilit/ Klienti i pushteteve kërkon amnistinë për hajdutet

18 Korrik 2016, 09:35, Aktualitet CNA

Një tezë kriminale është hedhur sot nga njeriu i qeverive, Henri Çili, i cili në kuadër të Reformës në Drejtësi, shprehet se për kryeministrin aktual dhe për ish-kryeministrat duhet të ketë amnisti. Në një shkrim të tijin, Çili thekson se  ata nuk do ta votojnë një reformë që i bën të ndjehen të kërcënuar.

Njeriu që shkatërroi arsimin e lartë me ligjin e financuar prej tij që ktheu Universitetin shtetëror në shërbim të privatit, shprehet se amnistia e kryeministrave është gjëja më e natyrshme.

?Askush të mos çuditet pse ata nuk e votojnë një reformë, që i bën ata të ndjehen të kërcënuar. Si e tillë amnistia e të gjithë kryeministrave, ish kryeministrave, përfshi këtu edhe kryeministrin aktual Rama dhe familjarëve të tyre, deri në momentin e votimit të reformës është gjëja më e natyrshme për të zhbllokuar mekanizmin themelorë dhe pse kjo reformë është penguar deri kaq?, shkruan ai

Më tej, Çili vijon me tezën e tij kriminale duke nënvizuar se nuk është e rëndësishme nëse kryeministrat kanë bërë apo jo faj, por e rëndësishme është të ecet përpara.

?Nuk ka rëndësi nëse kanë bërë apo jo faj, nuk ka rëndësi nëse janë apo jo të implikuar në çështje të ligjit apo korrupsionit, rëndësi ka të niset një epokë e re dhe sipas parimit latin të ecet përpara?, shkruan Çili

Edhe pse ndërkombëtarët po kërkojnë një Reformë në Drejtësi dhe një nga arsyet është pandëshkueshmëria e zyrtarëve të lartë, Çili propozon tezën e tij kriminale që edhe nëse ish-kryeministrat, apo kryeministri aktual ka shkelur ligjin, duhet të amnistohen.  Çili kërkon të përdoren dy standarte dhe këtë e quan zhvillim dhe ecje përpara.





Lajmet e fundit nga